Rasijskaha treniera «MŁ Viciebsk» zvolnili pierad startam jeŭrakubkaŭ. Jaho abaviazki budzie vykonvać kapitan Bałanovič
Siarhiej Bałanovič praciahvaje karjeru, ale budzie i kiravać kamandaj, paviedamlaje «Biełaruski futboł».
Pres-słužba čempijonu Biełarusi «MŁ Viciebsk» paviedamiła, što hałoŭny trenier kłuba Mahamied Adzijeŭ adchileny ad trenirovak kamandy. Taksama adchileny i pamočnik Adzijeva Filip Sakalinski. Vykanaŭca abaviazkaŭ treniera pryznačany kapitan kłuba Siarhiej Bałanovič.
Adzijeŭ byŭ pryznany hałoŭnym trenieram kłuba ŭ kancy krasavika paśla zvalnieńnia Michaiła Marcinoviča;
Pad kiraŭnictvam rasijskaha śpiecyjalista «MŁ Viciebsk» pravioŭ siem matčaŭ, u jakich atrymaŭ čatyry pieramohi, adzin raz zhulaŭ uničyju i dvojčy prajhraŭ.
U subotu «MŁ Viciebsk» prajhraŭ u matčy čempijanatu krainy «Viciebsku» i sastupiŭ pieršaje miesca ŭ turnirnaj tablicy minskamu «Dynama».
Siońnia vyznačycca supiernik «MŁ Viciebsk» u pieršym raŭndzie kvalifikacyi Lihi čempijonaŭ.
Kamientary