U Pastaŭskim rajonie supracoŭniki DAI prymianili słužbovuju zbroju padčas zatrymańnia niepaŭnaletniaha kiroŭcy, jaki sprabavaŭ uciačy ad pahoni, paviedamiła pres-słužba MUS.
Incydent adbyŭsia na aŭtamabilnaj darozie R-27 «Brasłaŭ — Pastavy — Miadzieł». Inśpiektary DAI zaŭvažyli aŭtamabil Fiat i padali kiroŭcu sihnał ab nieabchodnaści spynicca. Adnak toj praihnaravaŭ patrabavańnie i praciahnuŭ ruch.
Pačaŭsia pieraśled. Pavodle infarmacyi DAI, kiroŭca nieadnarazova atrymlivaŭ patrabavańni spynicca, ale nie reahavaŭ na ich i praciahvaŭ sprobu schavacca. Na videazapisie ź miesca padziej čuvać, jak adzin ź inśpiektaraŭ papiaredžvaje: «Spyniajemsia, zaraz budu stralać pa kołach», adnak aŭtamabil praciahnuŭ ruch.
Pakolki pavodziny kiroŭcy, pavodle acenki milicyi, stvarali pahrozu dla inšych udzielnikaŭ darožnaha ruchu, supracoŭniki DAI pryniali rašeńnie vykarystać tabielnuju zbroju i adkryli ahoń pa kołach mašyny.
Paśla spynieńnia aŭtamabila vyśvietliłasia, što za rulom znachodziŭsia 17‑hadovy miascovy žychar, jaki nie mieŭ prava kiravać transpartnym srodkam. U sałonie taksama byŭ jahony adnahodak, jaki znachodziŭsia ŭ stanie ałkaholnaha apjanieńnia.
U dačynieńni da niepaŭnaletniaha kiroŭcy skłali siem administracyjnych pratakołaŭ, u tym liku za niepadparadkavańnie patrabavańniu supracoŭnikaŭ milicyi. Sabranyja materyjały pieradali ŭ kamisiju pa spravach niepaŭnaletnich.
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju11
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary