U noč na niadzielu kala ŭźbiarežža Isłandyi byli zabityja dva kity. Palavańnie adbyłosia praz dva dni paśla adnaŭleńnia kamiercyjnaha kitabojnaha promysłu. Byli złoŭleny dva finvały — heta svajaki siniaha kita i druhaja pa vieličyni žyviolina na Ziamli.
Pierad vychadam sudnaŭ u mora ŭ piatnicu adzin z pratestoŭcaŭ pryviazaŭ siabie da mačty karabla, ale byŭ źniaty palicyjaj.
«Pieršyja zahinułyja pry palavańni finvały stali dla nas sakrušalnym udaram, — zajaviła Joanna Svabe z Humane World for Animals. — Za apošnija dva dziesiacihodździ Isłandyja zabiła bolš za 1000 finvałaŭ. Heta nie tolki druhaja pa vieličyni žyviolina na płaniecie, ale i vid, jaki va ŭsim śviecie ličycca ŭraźlivym z punktu hledžańnia pahrozy źniknieńnia».
Isłandyja, Narviehija i Japonija — adzinyja krainy śvietu, dzie kitabojny promysieł zastajecca lehalnym, niahledziačy na mižnarodnaje asudžeńnie.
Isłandski instytut daśledavańniaŭ mora rekamiendavaŭ abmiežavać vyłaŭ finvałaŭ u 2026 hodzie 150 asobinami.
-
Samalot Flydubai uratavali piłot-indyjec i try pasažyry, adzin ź jakich stamatołah. Druhoha piłota źviazali pravadami ad słuchavak i małankami
-
U Paŭdniovaj Karei 600 tysiač čałaviek pryjšli pahladzieć na akułu, jakaja zachrasła ŭ kanale
-
U amierykanskim Tenesi ŭpieršyniu za 200 hadoŭ źbiralisia pakarać śmierciu žančynu. Ale vykanańnie prypynili za hadzinu da pryznačanaha času
Kamientary