Ministr justycyi RF nazvaŭ niapravilnym pryjarytet pravoŭ i svabod hramadzian
Ministr justycyi RF Kanstancin Čujčanka na mižnarodnym jurydyčnym forumie ŭ Pieciarburhu zajaviŭ, što padychod, zhodna ź jakim pravy i svabody hramadzian ličylisia pryjarytetam, byŭ «nie zusim viernym», zaŭvažyła «Ahientstvo».
Kiraŭnik rasijskaha Miniusta vystupaŭ na siesii «1905: revalucyja i reformy. Uroki historyi». Jon raspavioŭ, što Rasijskaja impieryja była libieralnaj i, na jaho dumku, «libieralizm zaŭsiody pavinien uraŭnavažvacca krokami i dziejańniami, nakiravanymi na ŭmacavańnie dziaržaŭnaści».
«My navat zaraz havorym pra toje, što misija Miniusta składajecca z tryjady, a mienavita abarony pravoŭ i zakonnych intaresaŭ hramadzian, zabieśpiačeńnia viaršenstva zakonu i treciaje — heta ŭmacavańnie dziaržaŭnaści. I pry hetym u nas byli padychody… hetyja padychody ŭźnikli… z pačatku 90-ch,…
havaryli pra toje, što pravy i svaboda hramadzian — heta pryjarytet. Ale mnie zdajecca, heta nie zusim pravilny padychod», — skazaŭ ministr.
Jon dadaŭ, što, na jaho dumku, «adno biez druhoha nie moža»: słabaja dziaržava nie moža zabiaśpiečyć pravy i intaresy hramadzian, a adsutnaść pravoŭ i svabod «taksama nie robić dziaržavu mocnaj».
«Tamu, mnie zdajecca, treba, pravodziačy reformy, zaŭsiody vieści havorku pra bałans.
To-bok kali my niedzie niešta adpuskajem, to niedzie z druhoha boku treba prykrucić», — patłumačyŭ Čujčanka.
Miž tym, artykuł 2 Kanstytucyi RF abviaščaje, što «čałaviek, jaho pravy i svabody źjaŭlajucca vyšejšaj kaštoŭnaściu».
«Pryznańnie, zachavańnie i abarona pravoŭ i svabod čałavieka i hramadzianina — abaviazak dziaržavy», — havorycca ŭ Asnoŭnym rasijskim zakonie.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec14
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1717
Kamientary
- dadaŭ ministr.