Міністр юстыцыі РФ назваў няправільным прыярытэт правоў і свабод грамадзян
Міністр юстыцыі РФ Канстанцін Чуйчанка на міжнародным юрыдычным форуме ў Пецярбургу заявіў, што падыход, згодна з якім правы і свабоды грамадзян лічыліся прыярытэтам, быў «не зусім верным», заўважыла «Агентство».
Кіраўнік расійскага Мінюста выступаў на сесіі «1905: рэвалюцыя і рэформы. Урокі гісторыі». Ён распавёў, што Расійская імперыя была ліберальнай і, на яго думку, «лібералізм заўсёды павінен ураўнаважвацца крокамі і дзеяннямі, накіраванымі на ўмацаванне дзяржаўнасці».
«Мы нават зараз гаворым пра тое, што місія Мінюста складаецца з трыяды, а менавіта абароны правоў і законных інтарэсаў грамадзян, забеспячэння вяршэнства закону і трэцяе — гэта ўмацаванне дзяржаўнасці. І пры гэтым у нас былі падыходы… гэтыя падыходы ўзніклі… з пачатку 90-х,…
гаварылі пра тое, што правы і свабода грамадзян — гэта прыярытэт. Але мне здаецца, гэта не зусім правільны падыход», — сказаў міністр.
Ён дадаў, што, на яго думку, «адно без другога не можа»: слабая дзяржава не можа забяспечыць правы і інтарэсы грамадзян, а адсутнасць правоў і свабод «таксама не робіць дзяржаву моцнай».
«Таму, мне здаецца, трэба, праводзячы рэформы, заўсёды весці гаворку пра баланс.
То-бок калі мы недзе нешта адпускаем, то недзе з другога боку трэба прыкруціць», — патлумачыў Чуйчанка.
Між тым, артыкул 2 Канстытуцыі РФ абвяшчае, што «чалавек, яго правы і свабоды з’яўляюцца вышэйшай каштоўнасцю».
«Прызнанне, захаванне і абарона правоў і свабод чалавека і грамадзяніна — абавязак дзяржавы», — гаворыцца ў Асноўным расійскім законе.
Цяпер чытаюць
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага40
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу141141
Каментары
- дадаў міністр.