Pryznačany Rasijaj kiraŭnik anieksavanaha horada Michaił Razvažajeŭ paviedamiŭ ranicaj 25 červienia, što ŭ horadzie ŭviedzieny «režym časovaha abmiežavańnia elektrazabieśpiačeńnia».
Pavodle jaho słoŭ, «adklučeńni buduć pravodzicca kropkava i pa miery nieabchodnaści». Pry hetym dakładnaha pahadzinnaha hrafika adklučeńniaŭ pakul niama.
Razvažajeŭ zajaviŭ, što nieabchodna likvidavać pierahruzku elektryčnych sietak za miežami Sievastopala, «kab nie dapuścić avaryi va ŭsioj enierhasistemie».
«Pa mahčymaści pasprabujcie ciapier źnizić nahruzku na sietku i nie vykarystoŭvać mahutnyja elektraprybory», — źviarnuŭsia Razvažajeŭ da žycharoŭ horada.
Padaču elektraenierhii ŭ Sievastopali abmiežavali na nastupny dzień paśla taho, jak, pavodle paviedamleńniaŭ, Ukraina atakavała dronami hałoŭnuju elektrapadstancyju ŭ horadzie.
Kamientary
Vsiem lubitielam kormiť upyria i torhovli lud́mi za kalij pośviaŝajetsia