«Šturm našaj Bastylii jašče napieradzie». Statkievič sustreŭsia z francuzskimi dypłamatami
Siońnia nacyjanalnaje śviata Francyi — Dzień uziaćcia Bastylii. U hety dzień były palitviazień Mikoła Statkievič razam z žonkaj Marynaj Adamovič asabista pieradaŭ svaje vinšavańni jaje aficyjnym pradstaŭnikam, paviedamiŭ jon u svaim telehram-kanale.
«U historyi kožnaha paśpiachovaha naroda była svaja ŭziataja Bastylija: pieramožnaja revalucyja, vyjhranaja vajna za niezaležnaść, mabilizacyja hramadstva dziela ciažkich, ale paśpiachovych reformaŭ. Byli achviary i ciažkaja praca nacyi dziela narmalnaha žyćcia jaje budučych pakaleńniaŭ.
Kali kraina ŭ biadzie i jaje budučynia ŭ niebiaśpiecy, a pieravažajučym siarod aktyŭnaj častki nacyi robicca padychod, što hałoŭnaje — heta zachavańnie ŭłasnaha žyćcia i svabody, što treba, najpierš, imknucca da ŭłasnaha dabrabytu i biaśpieki, to daminavańnie takoha padychodu kradzie narmalnuju budučyniu ŭ nastupnych pakaleńniaŭ. Robić košt užo ich sprobaŭ stvaryć volnuju i paśpiachovuju krainu jašče bolš vysokim i achviarnym.
Vinšuju francuzaŭ ź ich hałoŭnym śviatam!
A šturm biełaruskaj Bastylii jašče čakaje nas napieradzie», — napisaŭ Mikoła Statkievič.
Statkievič: Ukraina moža adkazać «brudnaj bombaj» na rasijski jadzierny ŭdar
«Dabralisia i da sabak». Mikoła Statkievič raskazaŭ pra śpiecapieracyju suprać jahonych hadavancaŭ
Mikałaj Statkievič anansavaŭ zbornik svaich turemnych ese
Statkievič: Ucioki pałkavodca z pola bitvy ŭ jaje krytyčny momant zaŭsiody demaralizoŭvali jaho vojska
Statkievič: Pałochać ukraincaŭ tankami na prypiackich bałotach toje samaje, što pałochać vožyka hołaj zadnicaj
Kamientary
Voś tut u kropku. Nie dadać nie prybrać. I składana navat ŭjavić, jakija ž nievierahodnyja pryhody dy ahułam niezajzdrosny los čakaje tych, chto padčas biady, vajny i nacyjanalnaj trahiedyi skarystaŭsia davieram dy abraŭ nie refleksiju z pošukam vyjścia, a vandroŭki, cenzuru dy artykuły ab "skaračeńji čelesa na 5 sm paśla 50 hadoŭ u niekatorych mužčyn".