U mieduniviersitety sioleta budzie niedabor? Minzdaroŭja prakamientavała
Sioleta ŭ mieduniviersitety nie prymajuć na płatnaje navučańnie na daktaroŭ — tolki na biudžet. Padčas pryjomu dakumientaŭ u VNU było zaŭvažna, što na niekatorych śpiecyjalnaściach padadzienych zajaŭ było mienš, čym miescaŭ na fakultetach.
Situacyju prakamientavaŭ na STB namieśnik ministra achovy zdaroŭja Barys Andrasiuk.
«My bolš čym na 700 miescaŭ pavialičyli biudžet, heta značyć my dajem realny šaniec dzieciam stać miedykam. U hetym hodzie na metavaje pastupali dzieci ź vielmi vysokimi bałami», — zapeŭniŭ jon.
Pa słovach čynoŭnika, u bolš jak 60% bał atestata byŭ 90 i vyšejšy. I pieršapačatkova padali zajavy vielmi šmat dziaciej, ale, maŭlaŭ, kali jany ŭbačyli, što prachadnyja bały vysokija, mnohija spałochalisia i zabrali dakumienty.
Ale, bačyć plus Andrasiuk, prajšli dzieci ź vielmi vysokimi bałami. Na metavaje ŭ paraŭnańni ź minułym hodam prykładna na 30% bał vyšejšy, kaža jon.
Toj samy masažyst raskazaŭ, navošta zdymaŭ hołych klijentak2
Kamientary