U biełaruski kłub pierachodzić hulać adzin z udzielnikaŭ niadaŭniaha mundyjalu
Futbolny kłub «MŁ Viciebsk» abviaściŭ pra padpisańnie kantrakta z vopytnym iranskim abaroncam Miładam Machamadzi. Dla biełaruskaha futboła heta adzin z samych hučnych tranśfieraŭ apošniaha času, piša Times.by.
32‑hadovy futbalist źjaŭlajecca hulcom nacyjanalnaj zbornaj Irana, za jakuju pravioŭ ažno 78 matčaŭ. Jon udzielničaŭ u troch čempijanatach śvietu, u tym liku na mundyjali 2026 hoda, jaki prajšoŭ zusim niadaŭna ŭ ZŠA, Mieksicy i Kanadzie.
Na čempijanacie śvietu Machamadzi vychodziŭ na pole ŭ matčach hrupavoha etapu suprać zbornych Novaj Ziełandyi, Bielhii i Jehipta. Usie try sustrečy zaviaršylisia ŭničyju ź likam 1:1. Adnak, choć iranskaja kamanda nie paciarpieła nivodnaj parazy, hetaha joj nie chapiła dla vychadu ŭ płej-of.
Na kłubnym uzroŭni iraniec raniej vystupaŭ za rasijski «Achmat», bielhijski «Hienk», hrecki AJEK i turecki «Adana Demirspor».
Raniej skład «MŁ Viciebsk» taksama papoŭnili bielhijski paŭabaronca Siłas Hnaka, tranśfierny košt jakoha aceńvajecca prykładna na adzin miljon jeŭra, i niderłandski futbalist Denilja Kleonize.
U jeŭrakubkach čempijon Biełarusi ŭžo zakončyŭ vystupleńnie ŭ kvalifikacyi Lihi čempijonaŭ, dvojčy sastupiŭšy rumynskaj «Univiersitaci». Ciapier viciablanie praciahnuć baraćbu ŭ druhim kvalifikacyjnym raŭndzie Lihi kanfierencyj, dzie ich spabornikam stanie čarnahorskaja «Sućjeska». Pieršy matč adbudziecca 23 lipienia ŭ vienhierskim Mieziokioviešdzie, dzie «MŁ Viciebsk» prymie spabornika ŭ statusie naminalnaha haspadara pola.
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć5
Kolki biełarusaŭ atrymali polskaje hramadzianstva za apošni čas. Ličby ŭražvajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary