Vydaviectva «Mianie Niama» adkryła papiaredni zakaz na novy raman Uładzimira Kazłova «Paŭdniovy Zachad» («Juho-Zapad»), jaki jość praciaham ramana «Varšava», dziejańnie jakoha zakančvajecca letam 1994-ha, piša bellit.info.
«U toj hod pačaŭsia pierachod ad svabody da niavoli. I praz 20 ź lišnim hadoŭ ja pišu ab hetym pierachodnym pieryjadzie», — tłumačyć aŭtar u anatacyi da knihi.
Za aknom zdymnaha pakoja na Hołubieva — Miensk druhoj pałovy 90-ch. Hałoŭny hieroj, ź jakim čytačy sustrakalisia ŭ «Varšavie», pracuje žurnalistam, sprabuje pisać prozu i dumaje, jak žyć u hetaj krainie. Abo nie ŭ hetaj. Firmovy vierbalny minimalizm, kiniematahrafičnaść piśma i vyraznyja detali času (ad pieršaha prezidenta da pieršaha makdonaldsa) — «lohkaje» čytvo pra składanyja časy. Hetaja kniha ŭžo nie pra nadziei i čakańni, a pra toje, jak pavolna i biaźlitasna svaboda pieraŭtvarajecca ŭ toje, što potym nazavuć «stabilnaściu».
Zamović «Juho-Zapad» možna na sajcie vydaviectva Mnnm.store.
Ciapier adkryty papiaredni zakaz — papiarovy nakład čakajecca z typahrafii ŭ žniŭni 2026 hodu. Vydaviectva «Mianie Niama» nahadvaje, što pieradzamovy vielmi važnyja, dajuć upeŭnienaść u čytackaj zacikaŭlenaści i mažlivaść chutčej nadrukavać knihu.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary