Paśla sieryi atak ukrainskich bieśpiłotnikaŭ na svaje składy rasijski markietpłejs Wildberries, jak vyhladaje, prybraŭ sa svajho mabilnaha dadatku raździeł «Usio dla SVA», u jakim pradavalisia tavary, što mohuć vykarystoŭvacca rasijskimi vajskoŭcami padčas vajny va Ukrainie.
U sacyjalnych sietkach raspaŭsiudžvajucca skrynšoty, jakija śviedčać, što hety raździeł bolš nie adlustroŭvajecca ŭ dadatku. Vydalenyja i adpaviednyja tehi.
Raniej u im možna było znajści taktyčnaje adzieńnie, elemienty ekipiroŭki, ryštunak i inšyja tavary. Pavodle samoj kampanii, asartymient naličvaŭ dziasiatki tysiač pazicyj ad roznych pradaŭcoŭ.
Možna mierkavać, što vydaleńnie raździeła niepasredna źviazana ź niadaŭnimi atakami na łahistyčnyja abjekty Wildberries. Praŭda, sami adpaviednyja tavary, jak adznačajecca, usio adno zastalisia, prosta ich pradajuć u zvyčajnych, «mirnych» raździełach. Naprykład, broniekamizelki pradajuć u raździele «Sport», a FPV-drony — u raździele «TB, Aŭdyjo, Fota, Videatechnika».
Ukrainskija bieśpiłotniki atakavali skład Wildberries u Jekaciarynburhu
Na składach Wildberries zhareli rečy viadomaj biełaruskaj dyzajnierki
«Jandeks Markiet» i Ozon paśla ŭdaraŭ pa składach Wildberries taksama źniali ź siabie adkaznaść za straty tavaraŭ pry atakach
Ukrainskija drony daščentu spalili jašče dva składy Wildberries u Rasii — čaćviorty i šosty pa vieličyni
Kamientary