ZŠA i Saudaŭskaja Aravija nanieśli ŭdary pa abjektach u Iraku, źviazanych ź Iranam
Źniščalniki nanieśli ŭdary pa łahistyčnych abjektach i składach uzbrajeńniaŭ va ŭschodniaj častcy Iraka.
Centralnaje kamandavańnie ZŠA (CENTCOM) i saudaŭskija vajskoŭcy nanieśli «vysokadakładnyja ŭdary» pa źviazanych ź Iranam abjektach na terytoryi Iraka, paviedamiła amierykanskaje kamandavańnie, piša Bi-bi-si.
Pavodle paviedamleńnia, źniščalniki nanieśli ŭdary pa łahistyčnych abjektach i składach uzbrajeńniaŭ va ŭschodniaj častcy Iraka.
«Hetyja dziejańni stali rašučym adkazam na bolš čym 30 atak z vykarystańniem bieśpiłotnikaŭ, ździejśnienych za apošnija 72 hadziny pa zahadzie Korpusa vartavych isłamskaj revalucyi, — paviedamlaje CENTCOM u sacyjalnaj sietcy X. — Hetyja nieabhruntavanyja ataki na amierykanskija vojski nie mieli pośpiechu».
Raniej kamandavańnie paviedamlała, što ŭ aŭtorak padraździaleńni Korpusa vartavych isłamskaj revalucyi zapuścili z terytoryi Irana niekalki balistyčnych rakiet u sprobie nanieści ŭdar pa amierykanskich vojskach na Blizkim Uschodzie.
«Usie iranskija rakiety byli paśpiachova pierachopleny. Amierykanskija vojski zachoŭvajuć pilnaść i znachodziacca ŭ stanie pavyšanaj bajavoj hatoŭnaści», — dadali vajskoŭcy.
-
Prajšła pieršaja telefonnaja razmova z Pucinym mahčymych jeŭrapiejskich pradstaŭnikoŭ na mirnych pieramovach z Rasijaj
-
Jeŭrapiejskija krainy z najbujniejšymi abaronnymi biudžetami nazvali Rasiju hałoŭnaj pahrozaj biaśpiecy i paabiacali padtrymlivać Ukrainu
-
Instahram kidaje vyklik Youtube: pačynaje teściravać publikacyju haryzantalnych videa
Ciapier čytajuć
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty21
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych66
Kamientary