Hrečaski tankier Skiros byŭ atakavany ŭ Čornym mory paśla zahruzki rasijskaj nafty
Hrečaski naftavy tankier Skiros paciarpieŭ ad ataki ŭ Čornym mory paśla zahruzki rasijskaj nafty na terminale Kaśpijskaha trubapravodnaha kansorcyuma (CPC) kala Novarasijska. Pra heta paviedamlaje Bloomberg sa spasyłkaj na krynicy, znajomyja ź situacyjaj.
Skiros — tankier kłasa Suezmax, jaki zdolny pieravozić kala 1 miljona baralaŭ nafty. Pavodle infarmacyi krynic, sudna było atakavana ŭžo paśla zahruzki na terminale CPC.
Kampanija z Afinaŭ, jakaja ŭ sistemie Equasis paznačanaja jak mieniedžar tankiera, paviedamiła, što ŭ vyniku incydentu nichto nie paciarpieŭ. Raźlivu nafty i zabrudžvańnia mora taksama nie adbyłosia. Uładalnikaŭ sudna pra zdareńnie painfarmavali.
Pavodle Bloomberg, heta pieršaja ataka na sudna, jakoje nakiroŭvałasia da terminała CPC, paśla amal trochtydniovaha pierapynku.
U minułym miesiacy sieryja atak bieśpiłotnikami pryviała da pierabojaŭ u adhruzcy nafty praz hety maršrut. U vyniku kazachstanskim naftavym radoviščam navat daviałosia skaracić zdabyču.
Maršrut CPC maje vialikaje značeńnie dla suśvietnaha naftavaha rynku: niadaŭna praź jaho prachodziła amal 2% usich suśvietnych pastavak nafty.
Ciapier čytajuć
«Źnik bieź źviestak» vielmi małady biełaruski najomnik9
«Źnik bieź źviestak» vielmi małady biełaruski najomnik
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny77
Kamientary