Prezident ZŠA Donald Tramp zajaviŭ, što moža arhanizavać sustreču z Uładzimiram Pucinym choć ciapier, ale nie bačyć u joj sensu, pakul baki nie buduć hatovyja zaklučyć mirnaje pahadnieńnie. Pra heta jon skazaŭ padčas razmovy z žurnalistami ŭ Biełym domie.
«Jon [Pucin] zrabiŭ by heta, kali b ja zachacieŭ. Ale ja chaču pravieści sustreču tady, kali my budziem hatovyja zaklučyć mirnaje pahadnieńnie», — zajaviŭ Tramp.
Jon dadaŭ, što chacieŭ by naładzić dobryja adnosiny jak z Rasijaj, tak i z Ukrainaj: «Ja chaču, kab u nas byli dobryja adnosiny z Rasijaj, z Ukrainaj, z usimi. Heta było b vydatna dla biźniesu. U Rasii vielizarnaja terytoryja i vielmi kaštoŭnyja ziemli. Tam adbyvajecca šmat dobraha. Ale nie, my mahli b pravieści hetuju sustreču — hatovy paspračacca, ja moh by zrabić heta nieadkładna. Ja chaču pravieści jaje tady, kali hetaja vajna budzie padychodzić da kanca. I ja dumaju, što tak i budzie».
Tramp taksama zaklikaŭ kiraŭnikoŭ Rasii i Ukrainy spynić bajavyja dziejańni.
«Pucinu i Zialenskamu varta spynić hetuju durnuju vajnu», — zajaviŭ jon.
Na dumku Trampa, damovicca ab miry zaminaje asabistaja niepryjaznaść pamiž Uładzimiram Pucinym i Uładzimiram Zialenskim.
«Viedajecie, ja spyniŭ vosiem vojnaŭ. Vosiem. Niekatoryja ź ich ličylisia značna bolš składanymi dla spynieńnia, čym hetaja, i ja damohsia ich spynieńnia. Ale pamiž dvuma prezidentami isnuje vielizarnaja varožaść», — skazaŭ kiraŭnik Biełaha doma.
Raniej paviedamlałasia, što dyrektar CRU Džon Retklif padčas zakrytaha vizitu ŭ Maskvu prapanavaŭ pravieści trochbakovuju sustreču Trampa, Zialenskaha i Pucina.
-
Samalot Flydubai uratavali piłot-indyjec i try pasažyry, adzin ź jakich stamatołah. Druhoha piłota źviazali pravadami ad słuchavak i małankami
-
U Paŭdniovaj Karei 600 tysiač čałaviek pryjšli pahladzieć na akułu, jakaja zachrasła ŭ kanale
-
U amierykanskim Tenesi ŭpieršyniu za 200 hadoŭ źbiralisia pakarać śmierciu žančynu. Ale vykanańnie prypynili za hadzinu da pryznačanaha času
Kamientary
No putinskaja dla mienia samaja słožnaja.