Były ministr pa nieaściarožnaści ŭčyniŭ pažar u samalocie padčas palotu nad Atłantykaj
Rejs KLM z Amsterdama ŭ Kiurasaa daviałosia raźviarnuć nad Atłantyčnym akijanam paśla taho, jak u biznes-kłasie zahareŭsia paŭerbank.
Pavodle danych niderłandskich ŚMI, pryłada naležała byłomu kiraŭniku KLM i ministru transpartu Niderłandaŭ Kamilu Eŭrlinhsu. Jon zaradžaŭ paŭerbank ad razietki ŭ fateli, choć praviły avijakampanii zabaraniajuć vykarystoŭvać abo zaradžać takija pryłady padčas palotu, piša Bild.
Pasažyry raspaviali, što spačatku pačuŭsia hučny chłapok, a zatym źjavilisia jazyki połymia. Ekipaž chutka patušyŭ pažar.
KLM paćvierdziła, što adzin čałaviek atrymaŭ lohkija traŭmy, adnak ź mierkavańniaŭ pryvatnaści nie stała nazyvać jaho imia.
Samalot znachodziŭsia ŭ pavietry ŭžo kala piaci z pałovaj hadzin, kali piłoty vyrašyli viarnucca ŭ Amsterdam.
Eŭrlinhs raniej uznačalvaŭ KLM, a da pracy ŭ avijakampanii byŭ ministram transpartu Niderłandaŭ.
Paśla viartańnia ŭ Amsterdam KLM raźmiaściła 322 pasažyraŭ u hateli, a na nastupny dzień jany vylecieli ŭ Kiurasaa inšym samalotam.
Ciapier čytajuć
Toj samy masažyst raskazaŭ, navošta zdymaŭ hołych klijentak22
Kamientary