U Homieli pa Sožy płavaŭ stary ciepłachod biez ekipažu na borcie
U Homieli stary śpisany buksirny ciepłachod, jaki ŭžo niekalki hadoŭ nie vykarystoŭvajecca, niečakana adpraviŭsia ŭ samastojnaje płavańnie pa Sožy ŭzdoŭž haradskoj nabiarežnaj. Pry hetym na borcie ŭ jaho nikoha nie było, piša vydańnie «Mocnyja naviny».
Jak vyśvietliłasia, nijakaj tajamnicy i tym bolš mistyki ŭ hetym nie było. Prosta mocny viecier abarvaŭ švartoŭny tros, paśla čaho sudna pačało drejfavać pa race. Jaho svoječasova zaŭvažyli, zatrymali i adbuksavali nazad u zatoku.
Paśla zdareńnia Homielskaja transpartnaja prakuratura praviała pravierku. Vyśvietliłasia, što słužba, jakaja adkazvaje za sudny, kiepska vykonvała svaje abaviazki. Jana nie kantralavała naležnym čynam pryšvartavanyja sudny, a dziažurnaje sudna nie sačyła za zatokaj.
U vyniku troch supracoŭnikaŭ pryciahnuli da dyscyplinarnaj adkaznaści. Sudnaŭładalniku taksama vynieśli administracyjny pratakoł. Na pradpryjemstvie paśla pravierki naviali paradak.
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
U Pinsku pradajuć hastrabar na ciepłachodzie. Kolki prosiać?
Kruiz na ciepłachodzie «Biełaja Ruś» pa rekach Paleśsia kaštuje jak adpačynak u Turcyi. Ale kajuty na viasnu-leta amal vykuplenyja
Kamientary