Z pačatku poŭnamaštabnaj vajny Rasija paškodziła abo źniščyła bolš za 500 ukrainskich łakamatyvaŭ, pryčym zvyš pałovy — u 2026 hodzie. Ciapier Ukraina šukaje zamienu ŭ krainach Jeŭropy, ale padyduć nie ŭsie mašyny praz roznuju šyryniu čyhunačnaj kalainy.
Ukraina amal całkam vykarystała rezierv łakamatyvaŭ, zajaviŭ ministr ahrarnaj palityki Taras Vysocki ŭ kamientary Financial Times. Pavodle jaho, Kijeŭ užo viadzie pieramovy ź jeŭrapiejskimi krainami pra pastaŭki techniki.
Prablema ŭ tym, što va Ukrainie vykarystoŭvajecca kalaina šyrynioj 1520 milimietraŭ, tady jak u bolšaści krain Jeŭrasajuza jana vuziejšaja — 1435 milimietraŭ. Tamu zvyčajnyja jeŭrapiejskija łakamatyvy nielha adrazu pastavić na ŭkrainskija rejki.
Rasija ŭ apošnija tydni ŭzmacniła ŭdary pa ciahnikach, jakija pieravoziać zbožža i žaleznuju rudu — dva klučavyja tavary ŭkrainskaha ekspartu.
Vykanaŭčy dyrektar pryvatnaha partovaha apieratara TIS Mikita Hrubaŭ raskazaŭ, što tolki kala ich terminała ŭ porcie Paŭdniovy byli stračanyja try łakamatyvy.
«Ciapier nazirajecca vialiki deficyt. Heta naša słabaje miesca», — skazaŭ jon.
15 vieraśnia kiraŭnik ukrainskaha MZS Andrej Sibiha źviarnuŭsia da partnioraŭ z prośbaj dapamahčy znajści łakamatyvy dla kalainy 1520 milimietraŭ i prafinansavać nabyćcio novych.
«Kab hetaja žyćciova važnaja arteryja praciahvała pracavać, Ukrainie terminova patrebnaja zamiena», — zajaviŭ Sibiha.
Pavodle jaho, ad pačatku poŭnamaštabnaha ŭvarvańnia rasijskija ataki paškodzili abo źniščyli bolš za 500 łakamatyvaŭ. Bolš za pałovu hetych strat prypała na 2026 hod.
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
I "amal nie zastałosia łakamatyvaŭ" nie ekvivalentna "amal całkam vykarystała rezierv łakamatyvaŭ".
Rezierv skončyŭsia - značyć, jeździać, ale biez zapasu. A kali samich łakamatyvaŭ amal nie zastałosia - značyć, ruch amal prypynieny. Niepatrebnaja dramatyzacyja, skažeńnie fakta.