U ZŠA ŭchvalili preparat dla lačeńnia šyzafrenii, jaki treba ŭvodzić raz na miesiac
U ZŠA ŭchvalili preparat dla lačeńnia šyzafrenii, jaki dazvalaje zamianić štodzionny pryjom tabletak adnoj injekcyjaj u miesiac. Upraŭleńnie pa kantroli jakaści charčovych praduktaŭ i lekavych srodkaŭ ZŠA (FDA) dazvoliła vykarystoŭvać «Viełtruzu» (WELTRUZA) — pieršuju ŭ krainie padskurnuju formu ałanzapinu praciahłaha dziejańnia. Pra heta paviedamiła farmaceŭtyčnaja kampanija Teva.
Preparat pryznačany dla lačeńnia šyzafrenii ŭ darosłych. U adroźnieńnie ad tabletak ałanzapinu, jakija treba prymać štodnia, «Viełtruza» ŭvodzicca pad skuru raz na miesiac. Pry hetym pacyjentam nie patrabujucca dadatkovyja pačatkovyja dozy, adnačasovy pryjom tabletak abo abaviazkovaje miedycynskaje nazirańnie paśla injekcyi. Preparat budzie vypuskacca ŭ troch daziroŭkach: 318, 425 i 531 mh.
Rašeńnie FDA hruntujecca na vynikach kliničnaha daśledavańnia treciaj fazy SOLARIS, u jakim udzielničali 675 pacyjentaŭ va ŭzroście ad 18 da 64 hadoŭ. Pavodle źviestak Teva, vykarystańnie preparatu spryjała pamianšeńniu simptomaŭ šyzafrenii, źnižeńniu ciažkaści zachvorvańnia, a taksama palapšeńniu asabistaha i sacyjalnaha funkcyjanavańnia pacyjentaŭ.
Najbolš raspaŭsiudžanymi pabočnymi efiektami byli pavieličeńnie masy cieła, drymotnaść, hałaŭny bol, zapor i reakcyi ŭ miescy ŭviadzieńnia preparatu. U kampanii adznačyli, što ahulny profil biaśpieki novaj formy adpaviadaje viadomym charaktarystykam ałanzapinu dla pryjomu ŭsiaredzinu. Lačeńnie spynili praz raspaŭsiudžanyja niepažadanyja efiekty 5% udzielnikaŭ, jakija atrymlivali preparat, i 4% tych, chto prymaŭ płaceba.
U Teva patłumačyli, što novaja forma lekaŭ pavinna dapamahčy vyrašyć prablemu zachavańnia režymu lačeńnia. Nieabchodnaść štodnia prymać tabletki moža ŭskładniać praciahłuju terapiju i pavialičvać ryzyku recydyvaŭ. Pavodle acenak kampanii, u ZŠA šyzafrenija dyjahnastavanaja prykładna ŭ 2,1 miljona čałaviek.
Čakajecca, što «Viełtruza» źjavicca na amierykanskim rynku ŭ najbližejšyja tydni. U mai 2026 hoda Jeŭrapiejskaje ahienctva lekavych srodkaŭ (EMA) taksama pryniało da razhladu zajaŭku na rehistracyju preparatu, adnak pakul nie ŭchvaliła jaho vykarystańnie.
Amierykanka zadušyła traich svaich dziaciej. Ciapier za sudom nad joj sočyć uvieś śviet, a niekatoryja žančyny stali ŭ jaje abaronu
Vy mužčyna i ŭ vas depresija? Ničoha dziŭnaha, vy ž naradzilisia letam
Pryjom niekatorych papularnych lekaŭ padčas ciažarnaści pavialičvaje ryzyku aŭtyzmu ŭ dziciaci amal napałovu
Čamu dyjahnazaŭ «aŭtyzm» stanovicca ŭsio bolš
Ciapier čytajuć
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju99
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy55
Kamientary