Łukašenka prapanavaŭ addać častku Vierchniadźvinskaha rajona biznesmienu Varabju
Alaksandr Łukašenka 15 kastryčnika ździejśniŭ rabočuju pajezdku ŭ Vierchniadźvinski rajon, dzie aznajomiŭsia z sučasnym prajektam u śfiery miasnoj žyviołahadoŭli. Tam naviedaŭ novaje sučasnaje žyviołahadoŭčaje pradpryjemstva «Čyrvony Bor Ahra», uładalnikam jakoha źjaŭlajecca biźniesmien Mikałaj Varabiej, paviedamlaje jaho pres-słužba.
Hetaje pradpryjemstva śpiecyjalizujecca na miasnoj žyviołahadoŭli.
«Mikałaj, kali ty chočaš padtrymki, ja voś doma adznačyŭ, što ty pavinien uziać. Ja hatovy tabie heta pieradać, — źviarnuŭsia jon da biznesmiena, pakazvajučy na karcie kankretnyja ŭčastki ziamli. — Tut treba kardynalna niešta zrabić. Hetamu kompleksu (žyviołahadoŭčamu) patrebnyja karmy. Hetyja ziemli, jakija jość, pavinny zabiaśpiečyć ciabie karmami. Pradstaŭ mnie da viasny płan».
Alaksandr Łukašenka taksama paabiacaŭ padtrymku hetamu ahrabiznesu naraŭnie z ahulnymi padychodami.
«Vialikich hrošaj niama. Budziem datavać vas, jak usich», — skazaŭ jon.
Anałahična jon vykazaŭ padtrymku i prajektam u śfiery drevaapracoŭki i turyzmu.
«Les i ziamla — tvaje, turystyčny kirunak — tvoj. Karmić ludziej, jakija pryjeduć siudy adpačyvać, — adsiul vaźmi, nakarmi ludziej. Jak ty heta i robiš», — skazaŭ Alaksandr Łukašenka.
Ciapier čytajuć
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju99
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy55
Kamientary
Vsio taki niesprosta ty był v oppozicii k Kiebiču, čieho tolki hańbicca