Netflix płanuje skaracić kala 1000 pracoŭnych miescaŭ, što składaje prykładna 6% jaje piersanału. Pryčynaj stała zapavoleńnie rostu biznesu kampanii. Pra heta havorycca ŭ elektronnym liście, jaki kiraŭniki płatformy Hreh Piters i Ted Sarandas dasłali supracoŭnikam 14 kastryčnika.
U kancy minułaha hoda ŭ Netflix pracavali kala 16 tysiač čałaviek. Čakajecca, što skaračeńni zakranuć, u pryvatnaści, adździeły kadraŭ, jurydyčny i technałahičny padraździaleńni.
Niekalki tydniaŭ tamu Ted Sarandas pryznaŭ na adnoj z kanfierencyj, što kampanija raście pavolniej, čym jamu chaciełasia b. Pry hetym Netflix pa-raniejšamu zastajecca vidavočnym lidaram rynku videastryminhu. Pavodle apošnich źviestak, u kancy 2025 hoda jaje pasłuhami karystalisia bolš za 325 miljonaŭ chatnich haspadarak. Ciapier kampanija publikuje kolkaść padpisčykaŭ tolki čas ad času.
Kiraŭniki Netflix padkreślili, što kampanija praciahnie inviestavać u napramki z vysokim patencyjałam rostu, ale pry hetym budzie vymušanaja bolš stroha vyznačać pryjarytety i kantralavać vydatki.
U minułym hodzie Netflix sprabavała nabyć kinavytvorčy biznes halivudskaj kampanii Warner Bros., ale prajhrała kankurencyju miedyjahrupie Skydance, jakaja prapanavała bolš vysokuju canu.
Ciapier Skydance raźličvaje stvaryć mocnaha kankurenta Netflix, abjadnaŭšy ŭłasnuju stryminhavuju płatformu Paramount+ z servisam HBO Max, jaki naležyć Warner.
Na nastupnym tydni Netflix pavinna apublikavać vyniki pracy za apošni kvartał.
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła23
Kamientary