Łukašenka: Chto budzie prezidentam va Ukrainie, vyrašyć ukrainski narod. Heta nie pytańnie Trampa
«Nie treba dyktavać».
Alaksandr Łukašenka vykazaŭsia nakont zajavy Donalda Trampa pra nieabchodnaść źmianić Uładzimira Zialenskaha, piša BiełTA.
U Łukašenki spytali, ci mahčyma dasiahnuć miru va Ukrainie pry ciapierašnim prezidencie krainy ŭ kantekście niadaŭnich zajaŭ Donalda Trampa.
«Chočacie atrymać ad mianie adkaz jak ad palityka ci pa sutnaści? Kali pa sutnaści — heta majo kreda — heta nie pytańnie Trampa», — skazaŭ jon.
«Chto budzie prezidentam va Ukrainie, vyrašyć ukrainski narod», — padkreśliŭ Alaksandr Łukašenka.
Jon adznačyŭ, što Uładzimir Zialenski ŭ svoj čas abiacaŭ prabyć na pasadzie kiraŭnika dziaržavy tolki adzin termin.
«Treba vykonvać abiacańni, — źviarnuŭ uvahu Łukašenka. — Na vybary treba iści. U hetym Tramp maje racyju: abiacaŭ — treba vykonvać abiacańni. Ale tolki nie treba dyktavać. Trampu nie varta dyktavać, jak pastupić Ukrainie».
Taksama jon padkreśliŭ, što zaviaršeńnie kanfliktu nieabchodnaje i ŭ hetym zacikaŭlenyja jak Ukraina, tak i Rasija, pakolki vajna pryvodzić da niehatyŭnych nastupstvaŭ dla abiedźviuch krain.
«I hety mir budzie. Kali nie sioleta, to ŭ nastupnym hodzie. Ja absalutna ŭ hetym pierakanany», — zajaviŭ Alaksandr Łukašenka.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja10
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary