Pucin zavysiŭ kolkaść zachoplenych sioleta ŭkrainskich ziemlaŭ u 45 razoŭ
Uładzimir Pucin zajaviŭ, što z pačatku 2026 hoda rasijskaja armija zachapiła kala 6500 kvadratnych kiłamietraŭ terytoryi Ukrainy i 310 nasielenych punktaŭ. Adnak, pavodle padlikaŭ amierykanskaha Instytuta vyvučeńnia vajny (ISW), faktyčny čysty pryrost terytoryi pad kantrolem rasijskich vojskaŭ za studzień — vierasień skłaŭ tolki 144,51 kvadratnaha kiłamietra. Heta prykładna ŭ 45 razoŭ mienš za ličbu, nazvanuju Pucinym, piša The Moscow Times.
Pavodle danych ISW, u studzieni rasijskija vojski zachapili 318,54 kvadratnaha kiłamietra, u lutym — 122,73, u sakaviku — 23,04. U krasaviku jany stracili 116,01 kvadratnaha kiłamietra, a ŭ mai — jašče 281,1. U červieni rasijskaja armija zaniała 30,02 kvadratnaha kiłamietra, u lipieni — 37,85, u žniŭni — 90,25. U vieraśni jana znoŭ straciła terytoryju — 80,81 kvadratnaha kiłamietra.
Pucin taksama śćviardžaŭ, što pad kantrolem Ukrainy zastajecca krychu bolš za 10% terytoryi Danieckaj vobłaści i 16,5% Zaparožskaj vobłaści, a Łuhanskaja vobłaść całkam kantralujecca Rasijaj.
U ISW ličać, što zajavy rasijskaha kiraŭnictva pra maštaby vajennych pośpiechaŭ nie adpaviadajuć realnaj situacyi na froncie. Pavodle danych analitykaŭ instytuta, Kreml aktyvizavaŭ namahańni, kab sfarmavać ujaŭleńnie pra značna bolšyja dasiahnieńni rasijskaj armii, čym tyja, jakija možna paćvierdzić.
Pry hetym abmiežavanaje prasoŭvańnie rasijskich vojskaŭ supravadžajecca značnymi stratami. Pavodle acenak Centra stratehičnych i mižnarodnych daśledavańniaŭ (CSIS), z pačatku poŭnamaštabnaha ŭvarvańnia va Ukrainu ŭ lutym 2022 hoda da červienia 2026‑ha rasijskija vojski stracili kala 1,4 miljona čałaviek, u tym liku nie mienš za 450 tysiač zabitymi.
U pieršaj pałovie 2026 hoda, pavodle acenak analitykaŭ CSIS, rasijskija vojski štomiesiac stračvali 30—34 tysiačy čałaviek, tady jak nabor novych kantraktnikaŭ zabiaśpiečvaŭ papaŭnieńnie prykładna na 27 tysiač vajskoŭcaŭ u miesiac.
U vieraśni rasijskaja armija straciła bolš za 50 tysiač čałaviek, ź jakich 28 tysiač zahinuli. Pra heta paviedamlała ahienctva Bloomberg sa spasyłkaj na vysokapastaŭlenaha pradstaŭnika NATA.
Paćvierdžana śmierć 282 tysiač rasijskich vajskoŭcaŭ va Ukrainie
Zialenski: Takoj demanstratyŭnaj niepavahi Rasii da ZŠA jašče nie było
Džordža Miełoni: Nichto nie pierakanaje mianie ŭ tym, što kapitulacyju taho, chto abaraniaje svaju svabodu, možna nazyvać «miram»
NATA: Rasija tolki za vierasień straciła bolš za 50 tysiač vajskoŭcaŭ
Zialenski: Padarunki Pucinu nie pryniasuć miru i nie daduć nijakaj karyści cyvilizavanamu śvietu
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary