U Francyi pratesty supravadžajucca pahromami i padpałami. Zatrymali 1200 čałaviek
Pavodle MUS Francyi, na vulicy 17 kastryčnika vyjšli kala 550 tysiač čałaviek. Ludzi patrabavali spynić rost koštu žyćcia i palepšyć pracu dziaržaŭnych słužbaŭ. U šerahu haradoŭ adbylisia sutyknieńni z palicyjaj, hareli kramy i administracyjnyja budynki.
Da šmattydniovych vystupaŭ staršakłaśnikaŭ dałučylisia prafsajuzy i ŭdzielniki ruchu «žoŭtych kamizelek». Pratestoŭcy vystupajuć suprać darahoha paliva, rostu paŭsiadzionnych vydatkaŭ i paharšeńnia jakaści dziaržaŭnych pasłuh, u tym liku adukacyi.
Uviečary premjer-ministr Francyi Siebaśćien Lekarniu paviedamiŭ pra 1200 zatrymanych i 150 paranienych palicejskich. Jon padkreśliŭ prava ludziej na mirny pratest, ale asudziŭ padpały, rabavańni i napady.
Hałoŭnymi asiarodkami sutyknieńniaŭ stali Paryž i Marsiel. Palicyja vykarystoŭvała vadamioty i ślozatačyvy haz.
U Paryžy vykarystali haz kali niekalki dziasiatkaŭ čałaviek sprabavali zabracca na 25‑mietrovy manumient na płoščy Respubliki. Pavodle MUS, u stalicy taksama paškodzili budynak meryi.
U Marsieli ŭdzielniki biesparadkaŭ rabavali kramy, pranikli ŭ meryju, uzvodzili i padpalvali barykady. U Lijonie padpalili turystyčnaje biuro i kramy. U Limožy pažar mocna paškodziŭ histaryčny budynak meryi, jaho dach abrynuŭsia.
U Kanie, pavodle MUS, z dapamohaj darožnaha katka ŭzłamali varoty palicejskaha ŭčastka i paškodzili dźvie palicejskija mašyny.
Prezident Emanuel Makron zajaviŭ, što vinavatych u napadach i rabavańniach pryciahnuć da adkaznaści.
«Tyja, chto parušaŭ paradak, napadaŭ na prefiektury i pradpryjemstvy, rabavaŭ navat našy haradskija rady, buduć pryciahnutyja da adkaznaści i pakaranyja», — napisaŭ jon u X.
Urad abvinavaciŭ ultralevyja hrupy ŭ pravakavańni biesparadkaŭ napiaredadni prezidenckich vybaraŭ. Lekarniu zajaviŭ, što nichto nie zmoža naviazać svaju palityčnuju prahramu praz hvałt.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary