MAZ pakazaŭ novuju aŭtakramu na kołach, jakaja budzie jeździć pa vioskach
U Minsku pakazali novuju madel aŭtakramy — siarednietanažny hruzavik MAZ-365 120 («Tarha 8»). Furhon budzie jeździć pa nievialikich vioskach Minskaj i Viciebskaj abłaściej, raskazvaje Onliner.
U hruzaviku ŭstalavanyja chaładzilniki, stełažy i marazilniki. U furhonie pracuje aŭtanomnaja inviertarnaja sistema, jakaja padtrymlivaje stabilny tempieraturny režym dla zachoŭvańnia praduktaŭ. Uletku možna ŭklučyć kandycyjanier, a ŭzimku — aŭtanomny abahravalnik.
MAZ-365 120 stvorany na bazie novaha šasi ŭłasnaj vytvorčaści i abstalavany dyzielnym ruchavikom mahutnaściu 151 konskaja siła, jaki pracuje ŭ pary z šaścistupienčataj rabatyzavanaj karobkaj pieradač. Poŭnaja masa hruzavika dasiahaje 8 ton. Dla kiroŭcy praduhledžanaja sučasnaja kabina.
Adznačajecca, što aŭtakrama moža pracavać biez padklučeńnia da elektrasietki. Dyzielny hienieratar mahutnaściu 7 kiłavat sprajektavali z zapasam mahutnaści — z raźlikam na chaładzilnyja ŭstanoŭki i stabilny mikraklimat u kuzavie. Sistema nazapašvalnikaŭ nad stełažami dazvalaje efiektyŭna vykarystoŭvać handlovuju prastoru. Dla roznych vidaŭ praduktaŭ praduhledžanyja asobnyja palicy.
Aŭtamabil adpaviadaje ekałahičnamu kłasu «Jeŭra-5». Vykidy vychłapnych hazaŭ źviedzienyja da minimumu.
Trapić unutr možna praz bakavyja dźviery pa nievialikaj leśvicy z poručniami. Taksama raspracavanaja panižanaja adkidnaja prystupka — z kłopatam pra ludziej starejšaha ŭzrostu.
Pieršy furhon pieradali kampanii «Dabranom», i jon stanie častkaj sietki «Kapieječka». Aŭtakrama budzie kursavać pamiž nievialikimi nasielenymi punktami.
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
mały, kali zusim miełki byŭ, skazaŭ niejak: "ia chaču žyć u chaładzilniku - tam śvietła i ŭsio jość"