Na Homielščynie budujuć kacielni, jakija buduć pracavać na pieletach
U Vasilevičach Rečyckaha rajona Homielskaj vobłaści płanujuć pabudavać kacielniu, jakaja budzie pracavać na miascovych vidach paliva. Na budaŭničyja i mantažnyja raboty, puskanaładačnyja raboty i pastaŭku abstalavańnia źbirajucca vydatkavać da 2 miljonaŭ 232 tysiač rubloŭ, abo bolš za 741 tysiaču dalaraŭ. Hrošy vydzielić z ułasnych srodkaŭ zakazčyk — «Homielabłciepłasietka», piša «Fłahštok».
Asnoŭnyja raboty pavinny pačacca ŭ listapadzie 2026 hoda i zaviaršycca da siaredziny lipienia 2027-ha.
U dakumientacyi nie ŭdakładniajecca, jakija mienavita vidy miascovaha paliva buduć vykarystoŭvacca. Adnak u daviedcy Rečyckaha rajžyłkamhasa pra płany na 2026 hod zhadvajecca budaŭnictva dźviuch kacielniaŭ na draŭnianych paliŭnych hranułach — pieletach. Adna ź ich pavinna źjavicca ŭ horadzie Vasilevičy, druhaja — u ahraharadku Babičy.
U Babičach budaŭnictva pieletnaj kacielni ŭžo nabližajecca da zaviaršeńnia. Pavodle spravazdačy Homielskaha abłasnoha ŭpraŭleńnia pa nahladzie za racyjanalnym vykarystańniem paliŭna-enierhietyčnych resursaŭ, u vieraśni 2026 hoda tam uparadkoŭvali terytoryju, padklučali inžyniernyja sietki i naładžvali abstalavańnie.
U rajžyłkamhasie zajavili, što vykarystańnie pieletaŭ dazvolić pavysić enierhaefiektyŭnaść ciepłazabieśpiačeńnia, źnizić sabiekošt ciepłavoj enierhii i zrabić sistemu bolš nadziejnaj.
U Homielskaj vobłaści pracujuć try bujnyja zavody pa vytvorčaści pieletaŭ, jakija ŭvachodziać u sistemu Ministerstva lasnoj haspadarki. Zavody ŭ Mazyry i Žytkavičach, adkrytyja ŭ 2020 hodzie, raniej prastojvali praz sankcyi i rasijskuju vajnu. Pieršapačatkova ich pradukcyju płanavali pastaŭlać u Jeŭrasajuz, kab atrymlivać valutnuju vyručku, ale ŭ vyniku vytvorcam daviałosia pieraaryjentavacca na ŭnutrany rynak.
Miarkujecca, što hetyja zavody mohuć pastaŭlać paliva dla novych kacielniaŭ u Rečyckim rajonie. Aficyjnyja źviestki pra pracu pieletnych pradpryjemstvaŭ Homielščyny daŭno nie abnaŭlalisia. Pavodle mierkavańnia «Fłahštoka», jany, vidać, praciahvajuć pracavać pieravažna na ŭnutrany rynak.
Łukašenka: U Biełarusi treba nastojliva pierachodzić na aciapleńnie pieletami, haz — tolki jak rezierv
U Homieli pačali vytvorčaść piečki-rakiety dla dačnikaŭ
«Skłali na ŭskrajku lesu — i cišynia». Łukašenka zapatrabavaŭ zdabyvać prybytak z burałomaŭ
Najbujniejšy ŭ Biełarusi pieletny zavod spyniaŭ pracu praz sankcyi. Ciapier «aryjentujecca na ŭnutrany rynak»
Łukašenka raskazaŭ, jaki cud u Biełarusi robiać z haŭna
Biełaruś nie zmahła znajści zamienu jeŭrapiejskim rynkam dla prodažu pielet
Ciapier čytajuć
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju99
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy55
Kamientary
A ŭ drazdach napeŭna haz, pieliety tam, dzie niama jak padkliučycca da hazu.