Lidar partyi «Spraviadlivy śviet» u niadzielu ŭskłaŭ kvietki da pomnika Leninu.
Prykładna 20 pradstaŭnikoŭ Biełaruskaj partyi levych «Spraviadlivy śviet» sabralisia na płoščy Niezaležnaści ŭ Minsku, kab uskłaści kvietki da pomnika Uładzimiru Leninu, jaki naradziŭsia 22 krasavika 1870 hoda.
Na płoščy znachodzilisia supracoŭniki milicyi ŭ cyvilnym. Uskładańniu kvietak jany nie pieraškadžali, adnak papiaredzili lidara partyi Siarhieja Kalakina ab niedapuščalnaści praviadzieńnia niesankcyjanavanych mierapryjemstvaŭ.
Jak zajaviŭ Kalakin, śviatkavańnie dnia naradžeńnia Lenina nie razychodzicca z kursam na madernizacyju partyi, jaki byŭ abvieščany na apošnim źjeździe i źviazany ŭ tym liku sa źmienaj nazvy (raniej — Partyja kamunistaŭ Biełaruskaja).
«Dla biełarusaŭ Uljanaŭ-Lenin źjaŭlajecca vialikim čałaviekam. Kali b jaho nie było, my siońnia źjaŭlalisia b hubierniaj abo Paŭnočna-Zachodnim krajem Rasijskaj Fiederacyi», — skazaŭ jon.
Palityk upeŭnieny, što «tolki dziakujučy nacyjanalnaj palitycy Lenina, jakaja zaklučałasia ŭ tym, što jon vystupaŭ suprać aŭtanomii, my i stali samastojnaj dziaržavaj». Aprača taho, Lenin — heta čałaviek, jaki ŭ XX stahodździ «ažyćciaviŭ najvialikšuju revalucyju, zrynuŭ satrapa, likvidavaŭ samadziaržaŭje». «I siońnia heta aktualna dla Biełarusi. My ruchajemsia da samadziaržaŭja i možam da jaho chutka pryjści. Tamu nam treba vyvučać pracy Lenina i ŭsio, što było źviazana z tym, što jon rabiŭ u 1917 hodzie», — skazaŭ Kalakin.
Ranicaj kvietki da pomnika Leninu ŭskłali taksama pradstaŭniki inšych levych i kamunistyčnych arhanizacyj.
Hladzi taksama: Hudbaj, Lenin!
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary