U čaćvier, 17 traŭnia, a 16-j u Histaryčnaj majstroŭni (Suchaja, 25) u miežach kinakłuba «Nieviadomaja Biełaruś» historyka Ihara Kuźniacova adbudziecca pakaz i abmierkavańnie dakumientalnaha filma «Chrystos zabaronieny», jaki raskazvaje pra supraćstajańnie savieckaj sistemy i jevanhielskich viernikaŭ u BSSR.
Film źmiaščaje śviedčańni chryścijan, jakija prajšli praz savieckija kancłahiery i turmy, intervju ź biełaruskimi historykami, a taksama ŭnikalnuju antychryścijanskuju kinachroniku časoŭ BSSR.
Budzie mahčymaść zadać pytańni aŭtaru i režysioru filma Alaksieju Šeinu i pradstaŭnikam zdymačnaj hrupy.
Jak paviedamiŭ viadoŭca kinakłuba Ihar Kuźniacoŭ, akramia filma «Chrystos zabaronieny» adbudziecca taksama prezientacyja novaha dakumientalnaha filma telekanała «Biełsat» «Mienskaje padpolle. Hieroi i miarzotniki» — pra antyfašyscki supraciŭ u Minsku.
Na prahlad filmaŭ zaprašajucca ŭsie, chto cikavicca niesavieckim pohladam na historyju Biełarusi XX stahodździa. Uvachod volny.
Kamientary