«Matč Pojnt», «Skarby respubliki», «Los čałavieka»

TV, 14 krasavika, subota

STV, 13.50 1-aja seryja; 2-aja seryja 15 krasavika

Skarby respubliki (Dostojanije riespubliki)

Rasieja – Biełaruś (SSSR), 1971, kalarovy, 138 chv

Režyser: Uładzimier Byčkoŭ

Roli vykonvajuć: Aleh Tabakoŭ, Andrej Mironaŭ, Spartak Mišulin, Jury Tałubiejeŭ, Vicia Hałkin, Jaŭhien Jeŭstyhniejeŭ, Volha Žyźnieva, Ludmiła Kryłova

Žanr: Pryhody

Pošuk skradzienych skarbaŭ abjadnoŭvaje śledčaha, avanturnika, byłoha carskaha kryminalista j biesprytulnika.

Klasyčnaja pryhodnickaja stužka z kultavaj pieśniaj Andreja Mironava. Film pastaŭleny słynnym biełaruskim kinakazačnikam Uładzimieram Byčkovym (“Horad majstroŭ”).

Ład, 18.50

Los čałavieka (Sud́ba čiełovieka)

Biełaruś, 2007, kalarovy, 26 chv.

Režyserka: Halina Adamovič

Žanr: Televizijnaja pieradača

U aŭtarskaj prahramie Ŭładzimiera Bokuna režyserka Halina Adamovič raspaviadaje pra niezvyčajny los biełaruskaha alpinista Eduarda Lipienia, dziciačaha lekara.

NTV, 22.20

Matč Pojnt (Match Point)

Vialikabrytanija–ZŠA, 2005, kalarovy, 124 chv.

Režyser: Vudzi Ałen

Roli vykonvajuć: Skarlet Jochansan, Džonatan Rys Mejerz, Emili Morcimier, Alaksandar Armstranh

Žanr: Drama

Adznaka: 9,5 (z 10)

Niečakany film ńju-jorskaha intelektuała Vudzi Ałena raspaviadaje pra vypadak, nakanavańnie j kanfarmizm. Niebahataha instruktara pa tenisie pryviačajuć u zamožnaj siamji. U hieroja (Džonatan Rys Mejerz) jość šaniec zrabić imklivuju karjeru, ažaniŭšysia z arystakratkaj Chłojaj. Ale jahonyja pačućci naležać pieknaj amerykancy (Skarlet Jochansan).

Kalihrafičny šedeŭr Vudzi Ałena absalutna klasyčny – jak ramany XIX st., nietaropkija, hłybinna-psychalahičnyja, zahruvaščanyja sacyjalnaju krytykaj. Nievierahodnaja čyścinia kadru, abertony pačućciaŭ, dakładnaść i dalikatnaść. Nazvać hulniu Skarlet Jochansan hienijalnaj – značyć vykazacca nadzvyčaj ścipła. Seksapilnaja, znervavanaja, z suicydalnym kompleksam Merylin Manro – u bahatych anhielskich interjerach, dzie jana zastaniecca čužanicaju.

U kanflikcie Staroha j Novaha Śvietu pieramoža Eŭropa, ale aŭtar stužki – amerykaniec, i eŭrapiejski šedeŭr pracinajuć kontraversijnyja spasyłki, jakija śviedčać pra «kulturnuju» staraść. Hieroi Vudzi Alena – heta Raskolnikavy epochi postmadernu, kali kanfarmizm abviančany z klaŭstrafobijaj, abhortka zamianiaje dušu, a pakuty sumleńnia vyhladajuć iluzijaj.

«Matč-pojnt» – heta šedeŭr, ale ŭ časy Makdonałdsaŭ – heta šedeŭr tolki na adzin prahlad.

Usie filmy

• 0
• 0
• 0
• 0
• 0
• 0
• 0
• 0