Akazvajecca, na Alimpijskim schodzie Alaksandr Łukašenka skazaŭ značna bolš, čym paviedamili aficyjnyja krynicy.
Havorka išła pra asabniaki, jakija kiraŭnictva spartyŭnaj haliny budavała za skarbovy košt, žullo na stadyjonie «Dynama», niametavaje vykarystańnie vielizarnych sumaŭ i mnohaje inšaje.
U spravazdačy pra Alimpijski schod, apublikavanaj na aficyjnym sajcie prezidenta, aproč inšaha źmiaščajecca vykazvańnie Łukašenki: «Ja prapanavaŭ vam svoj „dach“ u tym liku dla taho, kab vy, spartsmieny, treniery i kiraŭniki sportu, mahli spakojna rabić svaju spravu». Pra toje, čym usio skončyłasia, možna daviedacca z repartažu, apublikavanaha ŭ numary «Presboła» za aŭtorak.
Tam pryvodzicca šerah epizodaŭ, jakija ŭ spravazdačy dziaržaŭnych ŚMI nie ŭvajšli.
— Raskažycie, Aleh Leanidavič, jakija ž pryčyny pryviali da takoj katastrofy ŭ vaš pieryjad kiravańnia, — zajaviŭ Łukašenka, źviartajučysia da ministra sportu Aleha Kačana (ciapier užo byłoha). — Usio možacie raskazvać: pra asabniaki, jakija vy budujecie za košt spartyŭnaj haliny, darečy, z pamočnikam, moža, z adnym, z druhimHeta taksama, ja dumaju, adna z pryčyn katastrofy.vice-prezidentam . Usio raskazvajcie! Našym ludziam cikava budzie pasłuchać.
Vystup dyrektara Respublikanskaha centra alimpijskaj padrychtoŭki pa konnym sporcie i koniehadoŭli Viktara Michadziuka kiraŭnik dziaržavy praanansavaŭ nastupnym čynam:
— Zaraz vam raskaža Michadziuk, jak treba bazu alimpijskaj padrychtoŭki stvarać i adnačasova pałacy budavać.Davajcie, kali łaska. A to ministr pramaŭčaŭ, pamočnik taksama. Moža, vy raskažacie, jak piłavali, vazili, budavali, jak koniej za biascenak pradavali, nahadajecie, ci to Zaičkovu (Ihar Zaičkoŭ zajmaŭ pasadu pamočnika prezidenta pa sporcie. Zvolnieny razam z Aleham Kačanom 28 kastryčnika -- NN), ci to jašče kamuści. Raskazvajcie. Hučna, vyrazna… Kali mianie dezinfarmavali, ja ŭ vas publična paprašu prabačeńnia. Ale kali niešta paćvierdzicca, vy adrazu kajdanki kuplajcie, kab vam nie čaplali ich, biarycie i idzicie tudy, kudy ja skazaŭ. Ja vam hetaha nie daruju. My nie takija bahatyja, kab absłuhoŭvać tut asobnych kitoŭ, jakija jašče i łajdačać.
Zatym cunami najvyšejšaha hnievu nakryła jašče mnohich.
— Rychtujučysia da Alimpijskaha schodu, ja paralelna daručyŭ Kamitetu dziaržkantrolu i inšym strukturam pravieryć, jak ža vy rychtavalisia da hałoŭnych startaŭ čatyrochhodździa. Vyniki sumnyja. Akazałasia, što praź biaździejnaść słužbovych asob Minsportu častka vostra nieabchodnaha invientaru była zakuplenaja napiaredadni, padčas i navat paśla Alimpijady! Alimpijada prajšła, a jany zakupili abstalavańnie, kab alimpijskich čempijonaŭ rychtavać. Bolš za paŭmiljarda rubloŭ prastojvaje ciapier. A siońnia vystupaŭ śpiecyjalist pa koniach, tam niametavaha vykarystańnia kala 600 miljonaŭ rubloŭ vyjaŭlena!
Praŭda, Zaičkoŭ heta z dakładu prezidenta prybraŭ i vychvalaŭsia svajmu pamahatamu: «Ty nie chvalujsia, ja vykraśliŭ!» Dy vas tolki za heta treba ŭziać i vyhnać z pracy. I nie rabicie vyhlad, što heta nie tak! (Vykankamu ŭ cełym) Kruhavaja paruka! Heta ž jakoje nachabstva!Barodzič, vy kaho mnie prapanavali ŭ pamočniki?! Voś jašče pravalicie dynamaŭskuju kamandu i pojdziecie razam ź im vulicu mieści! Asabliva nabližany hienierał!
Taksama Łukašenka prajšoŭsia pa stadyjonie «Dynama»:
— Pasyłaju Jakabsona (staršynia kamiteta Dziaržkantrolu — zaŭv.red.), kažu: «Alaksandr Sierafimavič, schadzi pahladzi, što tam robicca». Jon mnie jak pieradaŭ fatahrafii — viedajecie, mnie drenna stała. Ich, Alaksandr Sierafimavič, treba ŭsich pasadzić! Usich niahodnikaŭ! Tamu što heta pieršy abjekt, jaki ja z sałdatami pryvodziŭ u paradak. Pakinuli ŭ siabie hety rynak. (U zału). Kudy hrošy padzieli ad rynku? (Jakabsonu). Zajmiciesia pryncypova, daviadzicie da kanca. Nikoha nie škadujcie! Žullo. I heta prosta pad voknami Minsportu. (Kačanu). Tabie što, ciažka było zajści na stadyjon i pahladzieć, što tam biarozki rastuć? Tam, dzie ludzi pavinny siadzieć? I heta datyčycca ŭsich i ŭsioj spartyŭnaj infrastruktury. A to ŭ nas konny vid sportu Stajki absłuhoŭvaje, pamočnika prezidenta i inšych — pačynajučy ad kaŭbasy i zakančvajučy asabniakami…
Zrešty, Łukašenka aburaŭsia darma. Mienavita takija vyniki prynosić luby «dach» źvierchu.
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4949
Kamientary