Prynamsi, takaja publikacyja źjaviłasia ŭ «Ježiednievniku», jaki słynie «krynicami» ŭ siłavych strukturach.
Pavieł Łatuška byŭ vyzvaleny ad pasady ministra kultury Biełarusi na padstavie ŭkaza prezidenta ad 16 listapada hetaha hoda. Pra jahonaje pryznačeńnie pasłom u Francyju havaryli daŭno.
Adny rasceńvajuć heta jak ruku, praciahnutuju Jeŭropie. Pasłom u adnoj z hałoŭnych krainaŭ ES pryznačany čałaviek, jaki ŭmieje vieści dyjałoh i ź jakim nie haniebna vieści dyjałoh. Druhija, naadvarot, adznačajuć, što z urada syšoŭ adziny biełaruskamoŭny ministr i heta častka kursa na rusifikacyju.
A voś «Štodziońniku», nibyta, stali viadomyja inšyja fakty, jakija, jak piša aŭtar vydańnia, «chutčej za ŭsio, i źjaŭlajucca pryčynaj źjaŭleńnia ŭ Paŭła Łatuški žadańnia viarnucca da dypłamatyčnaj dziejnaści. Havorka idzie ab złoŭžyvańniach u ministerstvie kultury, jakija vyjaviła Hienieralnaja prakuratura».
Praŭda, samo vydańnie zaścierahajecca, što «Pavieł Łatuška kryštalova čysty i da vyjaŭlenych złoŭžyvańniaŭ nie maje naŭprostavaha dačynieńnia». Ale ž «jamu možna tolki pastavić u vinu niedalnabačnaść i zanadta vialikuju vieru ŭ ludziej, heta značyć u svaich padnačalenych, jakija jaho i padviali».
«Ciapier užo byłomu ministru kultury, nichto nijakich abvinavačvańniaŭ pradjaŭlać nie źbirajecca». A ŭ čym ža tady «skrynia ćvikoŭ» Łatuški?Akazvajecca, «pavodle źviestak Hienprakuratury, abjomy srodkaŭ, jakija straciŭ biudžet za toj čas, pakul Ministerstvam kultury kiravaŭ Pavieł Łatuška, — samyja vialikija za ŭsiu sučasnuju historyju hetaha viedamstva».
Takim čynam, Łatuška z hetaj historyi paŭstaje nieefiektyŭnym kiraŭnikom.
«Pa vyjaŭlenych faktach Hienieralnaj prakuraturaj ŭžo zaviedziena adna kryminalnaja sprava, ale ludzi, jakija pravodzili pravierku zasvajeńnia ministerstvam biudžetnych srodkaŭ, što nakiroŭvajucca na rekanstrukcyju i budaŭnictva abjektaŭ kultury, kažuć, što takich spraŭ budzie šmat», — pałochaje vydańnie z krynicami ŭ siłavych strukturach.
Havorka idzie ab dziejnaści AAT «Abjadnanaja dyrekcyja abjektaŭ, jakija budujucca» Ministerstva kultury Biełarusi, u viadzieńni jakoha znachodzicca rekanstrukcyja ŭsich značnych abjektaŭ kultury ŭ Biełarusi.
«Pakul u kryminalnaj spravie fihuruje tolki adna asoba — dyrektar AAT «Abjadnanaja dyrekcyja abjektaŭ, jakija budujucca», jaki padazrajecca ŭ ździajśnieńni złačynstva pa č.3 art.424 Kryminalnaha kodeksa Biełarusi (złoŭžyvańnie ŭładaj abo słužbovymi paŭnamoctvami,ździejśnienaje słužbovaj asobaj, jakaja zajmaje adkaznaje stanovišča, albo pry vykanańni funkcyjaŭ pa raździaržaŭleńni ci pryvatyzacyi dziaržaŭnaj majomaści, albo jakija paciahnuli ciažkija nastupstvy). Sankcyja hetaha artykuła praduhledžvaje pakarańnie da 10 hadoŭ pazbaŭleńnia voli z kanfiskacyjaj majomaści», — paviedamlaje vydańnie.
Pavodle źviestak pravaachoŭnych orhanaŭ, padazravany z kastryčnika 2010 hoda da maja 2011 hoda addavaŭ ŭkazańni padnačalenym supracoŭnikam ab niepravamiernym padpisańni fiktyŭnych aktaŭAkramia taho, dyrektar nibyta taksama addavaŭ niezakonnyja ŭkazańni padnačalenym ab pieraličeńni pakazanym pradpryjemstvu nieabhruntavanych avansaŭ, pry tym, što navat papiarednija avansy adpracavany nie byli.zdačy-pryjomki vykananychbudaŭniča-mantažnych rabot, nibyta vyrablenych PBUP «Miłdzis» pry budaŭnictvie abjekta «Spartyŭna-kulturny centr Biełaruskaha dziaržaŭnaha ŭniviersiteta kultury i mastactvaŭ na vuł. Rabkoraŭskaj, 17 u Minsku».
Karaciej, drobny haspadarnik na adnym abjekcie, mahčyma, — śledstva jašče navat nie skončyłasia, nie kažučy pra sud! — parušyŭ zakon. I heta daje padstavu aŭtaru zrabić zabojčuju vysnovu: «Kažuć, što jak ministr Łatuška byŭ vielmi navat dobry, ale zanadta miakki.Jamu nie chapała ćviordaści dla naležnaha finansavaha kantrolu za ŭsimi padraździaleńniami ministerstva».
Ale chto ž «kaža», «Ježiednievnik» nie ŭdakładniaje.
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć23
Kamientary