Грамадства2020

Звольнены віцебскі лекар запісаў відэазварот да губернатара

«На месцах чыноўнікі практычна адвучыліся думаць самастойна».

Дзіцячы лекар з Віцебска Ігар Пастноў, звольнены ў пачатку снежня пасля крытычных выказванняў у адрас кіраўніка Віцебскага аблвыканкама, выклаў у інтэрнэце відэазварот да Аляксандра Косінца.

Кантракт з Пастновым у абласной паліклініцы не працягнулі без тлумачэння прычыны. Незадоўга да гэтага ў інтэрв’ю недзяржаўным СМІ лекар казаў пра марнатраўства бюджэтных грошай і заняпад аховы здароўя ў вобласці.
Акрамя таго, Пастноў публічна звяртаў увагу на недабудаваны хірургічны корпус анкалагічнай бальніцы і зацягнуты рамонт інфекцыйнай. «Косінец нерацыянальна расходуе бюджэтныя сродкі, уладкоўваючы плошчы манументальнай «паказухай», забываючы пра «хворую «медыцыну», — заявіў лекар у жніўні ў інтэрв’ю «Народным навінам Віцебска».

У відэазвароце ён паведамляе: «Я, Пастноў Ігар Аляксеевіч, дзіцячы доктар з Віцебска, якога не без удзелу нашага генерала-губернатара сёння, пасярод зімы, выкідаюць на вуліцу за тое, што я не згодны па многіх пытаннях з палітыкай, якая праводзіцца нашым генерал-губернатарам Аляксандрам Мікалаевічам Косінцам.

Несалідна так рабіць з чалавекам толькі таму, што ён першым з лекараў адмовіўся пасылаць дзяцей ва ўмовы каземата інфекцыйнай бальніцы, дзе нават здароваму чалавеку будзе цяжка».

Па словах Пастнова, ён першым з лекараў назваў палітыку Косінца «мыльнай бурбалкай за кошт набраных крэдытаў, якая хутка лопне, і ўсе ўбачаць, на чым яна грунтуецца — на слязах, на недахопу грошай або немагчымасці нармальнага рамонту інфекцыйнай бальніцы».

«Генерал-губернатар Косінец яшчэ ў бытнасць рэктарам — я адказваю за свае словы — расправіўся з шасцю прафесарамі, якія напісалі адкрыты ліст супраць яго тагачасных метадаў.
Адзін з гэтых прафесараў атрымаў сардэчны прыступ, астатнія пазбавіліся працы і пасад», — сцвярджае звольнены медык.

Ён таксама паведамляе, што больш за 50 бацькоў ужо сабралі подпісы ў падтрымку яго аднаўлення на пасадзе і даслалі іх у Адміністрацыю прэзідэнта.

«Народ, бацькі, дзеці падтрымалі мяне.

Метады ўлады цяпер вельмі неадэкватныя, баязлівыя. Яна слабая тым, што працуе толькі адзін чалавек, думае толькі адзін чалавек. На месцах чыноўнікі практычна адвучыліся думаць самастойна, менавіта таму яны робяць такія абсалютна неадэкватныя дзеянні», —
перакананы Пастноў.

Чытаць цалкам: http://naviny.by/rubrics/society/2012/12/21/ic_articles_116_180289/

Каментары20

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны15

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал26

У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет1

У Беларусі за апошнія гады ліквідавалі 40 праваслаўных прыходаў5

Украінскія дроны не могуць дагнаць рэактыўныя «Шахеды». У SpaceX кажуць пра тэхнічны збой3

«А як ты выкупіў адразу акцэнт?» Рэпер Баста па голасе пазнаў музыканта з Чавусаў і расказаў пра сваё дзяцінства ў закрытым гарадку пад Дзятлавам8

Амаль 400‑метровы пуцеправод паміж Каменнай Горкай і Лебядзіным абяцаюць адкрыць да канца года2

На Канары за суткі прыбылі амаль паўтары тысячы мігрантаў5

Карупцыйны скандал у Венгрыі: міністр Орбана закапаў у лесе 17 мільёнаў еўра7

«Лукашэнка ведае, што задумвае Пуцін, і вельмі гэтага баіцца». Чалы пра пагрозу новай вайны43

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны15

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць