У Маскве згарэла бібліятэка, дзе раней праходзілі беларускія мерапрыемствы
Па-мойму, менавіта туды я ўпершыню прыйшоў на беларускае грамадзкае мерапрыемства і менавіта там упершыню ў дарослым узросьце сустрэў офлайнавых беларускамоўных
У Маскве ў гэтыя выходныя гарэла бібліятэка Інстытута навуковай інфармацыі па грамадзкіх навуках (ІНІОН РАН). Увечары 1 лютага давялося праязджаць праз тое месца.
СМІ паведамлялі, што пажар патушаны, але з будынку працягваў ісьці тоўсты дым. У паветры пах не палёнае гумы і плястыка, як звычайна на пажарах, а пах чыгуначнай станцыі або вогнішча. Гарэлі кнігі.
У Бібліятэцы ІНІОН захоўваецца найбуйнейшая ў Расеі бібліятэка кнігаў на славянскіх моваў, у тым ліку на беларускай мове.
У пачатку 2000-х гадоў у гэтай бібліятэцы Маскоўская Грамада Беларускай Культуры, найстарэйшая і адзіная «незалежніцкая» арганізацыя беларускай дыяспары ў Маскве, нейкі час праводзіла свае мерапрыемствы.
Шчыра скажу - па-мойму, менавіта туды я ўпершыню прыйшоў на беларускае грамадзкае мерапрыемства і менавіта там упершыню ў дарослым узросьце сустрэў офлайнавых беларускамоўных.
Паведамляецца, што пашкоджана 15% фондаў бібліятэкі. Хтосьці мае грошы, каб падтрымліваць баявікоў у Данбасе, але ня мае грошай, каб якасна забясьпечыць супрацьпажарную абарону і захаваць унікальныя каштоўныя скарбы. Да чаго ж усё гэта прыкра.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5454
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ54
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары