Брэнд HONAR прэзентуе новую стылёвую калекцыю адзення. Большая частка лінейкі прызначаная для мужчын: марынаркі, порткі, саколкі ды кашулі. Таксама прысутнічаюць і мадэлі для жанчын. Калекцыя з’яўляецца развіццём ідэй, што брэнд заклаў яшчэ падчас паказу на Беларускім тыдні моды ў 2014 годзе: сучаснае адзенне з нацыянальнай рысай.
Сузаснавальнік брэнда HONAR Павел Доўнар: «Сваёй дзейнасцю і гэтай прэзентацыяй мы гаворым, што нашай краіне ёсць, чым ганарыцца, як у мінулым, так і ў сучаснасці. Наш брэнд рухаецца ў кірунку вытворчасці сучаснага беларускага адзення, якое можна насіць штодзень. Сёння мы выпускаем поўныя камплекты адзення, каб у чалавека не было праблем, што з чым спалучаць, і штодзень насіць беларускае, сучаснае і стылёвае. Надалей мы плануем пашыраць асартымент і не засяроджваць асноўную ўвагу толькі на арнаменце, але працаваць і над папулярызацыяй іншых элементаў строяў, што былі на тэрыторыі Беларусі. Праз сваю дзейнасць мы хочам, каб цікавасць да беларускага ўзрастала».
Матэрыялы, што прымяняюцца для пашыву адзення, пераважна натуральныя: бавоўна, лён, віскоза. Некаторыя мадэлі новай калекцыі эксклюзіўныя і выпушчаныя ў колькасці 5-7 адзінак. Амаль на ўсіх мадэлях адзення прысутнічае беларускі арнамент. Ён размяшчаецца як у звыклых месцах, так і ў нестандартных, напрыклад, на гузіках ці локцевых латках. Выпушчаныя мадэлі і без арнаменту. Пры выкарыстанні аўтэнтычных сімвалаў і стварэнні калекцыі аўтары кіраваліся далікатнасцю і мінімалізмам.
Мужчынскую лінейку адзення прэзентуе тэлевядучы і рэдактар часопіса ICON Аляксандр Яраслаўцаў, жаночую — спявачка і ды-джэй Таццяна Лукашэнка і фотамадэль Кацярына Коба.
Новая калекцыя ўжо паступіла ў продаж, набыць адзенне можна праз інтэрнэт-краму honar.by.
Цалкам новую калекцыю можна пабачыць тут.
-
У Гомельскім драматычным тэатры — кадравыя чысткі. Зноў праз «палітыку»
-
«Будзе смешна і балюча»: «Купалаўцы» прэзентуюць заўтра новы спектакль. У галоўных ролях — Манаеў, Белахвосцік, Гарцуева
-
«Рашэнне прыйшло звонку». Што адбываецца ў віцебскім тэатры, дзе ў спектаклі прагучала «Жыве Фландрыя!» і пачалася чарада звальненняў?
Цяпер чытаюць
З Лондана Мельнікава вылецела на Шры-Ланку, у яе быў каханак спартовага выгляду з Беларусі3
Каментары