Што паглядзець у навагоднюю ноч? Альтэрнатыўная праграма перадач на YouTube
Распавядаем, дзе можна паглядзець, як спяваюць Павел Латушка і Аліна Коўшык.
Святочны зварот Святланы Ціханоўскай
Святочны зварот Святланы Ціханоўскай пачнецца ў 23.47 па мінскім часе (сёлета ў запісе сярод іншых прыняла ўдзел Марыя Калеснікава). Франак Вячорка ў Threads паведаміў: «Зноў будуць баніць YouTube, таму паралельна будзе транслявацца на іншых сетках таксама, і на тэлеграм».
«Белсат»
У 21:45 праграма «Мова Нанова» прапануе размову з Лявонам Вольскім. Вядомы беларускі музыка нядаўна адзначыў юбілей — 60 гадоў — і распавядае пра свае мінулыя і будучыя праекты. Размову з Вольскім праводзіў Мікіта Мелказёраў, які нечакана сышоў ад нас 21 снежня. Журналіст і інтэрв’юер, вядомы найперш па сваім праекце «Жыццё-маліна» за апошнія гады зрабіў вялікі ўнёсак у развіццё беларускай культуры.
У 22:15 у эфір завітаюць Міхась Зуй і Дзмітрый Есяневіч, якія ў гумарыстычнай праграме «Хай Так TV» падсумуюць, над чым беларусы смяяліся ў 2025 годзе — ад дэфіцыту бульбы і разгону чэргаў па каву на АЗС да перадачы амерыканцамі лекаў для пахудзення Лукашэнку.
У 22:45 гледачоў чакае святочны канцэрт. «Навагодні вір» сабраў усіх любімых спевакоў, артыстаў і вядоўцаў. А яшчэ абяцаюць шмат сюрпрызаў і неспадзяванак.
Рэжысёрка праекта ўгаварыла Аліну Коўшык спяваць разам з усімі фінальную песню («Я адбівалася як магла!» — каментавала Коўшык). Таксама заспявае і Павел Латушка, але, імаверна, у дуэце з кімсьці. Дзеля праекта заспявала і актывістка Наста Базар.
«Маланка»
Святочную праграму Malanka Media можна паглядзець на іх YouTube-канале і стрымінгавай платформе Belarus Tomorow. У 19.00 па мінскім часе пачнуць падводзіць вынікі. У спецвыпуску плануюць абмеркаваць усе галоўныя падзеі 2025 года.
У 23.40 прагучыць віншаванне ад каманды праекта, далей у трансляцыі будзе зварот Святланы Ціханоўскай.
Пачаць 2026 можна з Маляванычам — пасля 00.00 Malanka Media пакажа два выпускі праекту «Без рэтушы», якія прысвечаны Італіі.
«О(б)суждаем»
Глеб Сямёнаў і Іван Прус ужо падрыхтавалі свой падарунак пад ялінку — загрузілі на YouTube святочны выпуск, у якім, перад тым, як падняць келіхі, абмеркавалі першы беларускі інтэрактыўны серыял.
Уся смешная праўда пра «Зумераў», праз якіх беларускія ўлады спадзяваліся заваяваць сэрцы школьнікаў: ад таемна зніклай першай серыі і акторкі-дачкі чыноўніка, які займаўся тым серыялам, да дыялогаў ад чату GPT.
«Обычное утро»
З 27 па 30 снежня «Обычное утро» правяло ўжо традыцыйны святочны марафон. Гасцямі навагодніх выпускаў сталі Святлана Ціханоўская, Андрэй Курэйчык, Лявон Вольскі, Уладзімір Мацкевіч і іншыя. Калі вы не паспелі яшчэ паглядзець, дык самы час гэта зрабіць.
«Перетрём с Халезиным»
Мікалай Халезін апублікаваў на сваім YouTube-канале святочны выпуск, які прысвечаны Раству ў Лондане. У ім вы даведаецеся пра мясцовыя звычаі, а таксама палюбуецеся прыгожымі вуліцамі.
Дзе яшчэ можна пабачыць беларускіх артыстаў?
Праект «Мірныя агеньчыкі» з’явіўся напрыканцы 2023 года, каб аб’яднаць зорак з розных краін, якія не падтрымліваюць вайну Расіі супраць Украіны. Удзельнічаюць у ім і беларускія артысты. Сёлета можна будзе пабачыць «Бі-2», Naviband, Ap$ent.
Трансляцыя будзе ісці на YouTube-канале «Мірных агеньчыкаў».
Шакуючая страта года, таямнічыя знікненні, дыкпікі і дэпартацыі — асноўныя людзі і падзеі 2025 года
«Даўлюся ласосем, бо на карпа не хапіла»: беларусы высмейваюць чарговы фэйк прапаганды
25+ ідэй падарункаў на Каляды і Новы год ад беларускіх майстроў і брэндаў
Беларускі брэнд сумак Panaskin выпусціў цацкі на ялінку са скуры алігатара. За 1400 рублёў!
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары