Еўрасаюз не будзе забараняць рэцэпт прыгатавання нацыянальнага гонару бельгійцаў — бульбы фры, паведамілі РІАН у прэс-службе Еўракамісіі.
Бельгійскі арыгінальны рэцэпт прыгатавання бульбы фры аказаўся пад пагрозай забароны праз планы выканаўчай калегіі Еўрасаюза ўнесці ў спіс таксічных рэчываў акрыламід — канцэрагеннае рэчыва, якое ўтвараецца ў прыгатаванай на грылі, смажанай або запечанай ежы.
«Зніжэнне ўзроўню акрыламіду, пра што дамовіліся ў сераду краіны-члены ЕС, не прадугледжвае патрабаванне папярэдняй бланшыроўкі бульбы, што змяніла б бельгійскі рэцэпт яе прыгатавання», — сказаў суразмоўца агенцтва.
Міністр па турызме бельгійскай Фландрыі Бэн Вейтс раней заявіў, што Еўропа ставіць пад пагрозу бельгійскую культуру падрыхтоўкі «фрыт» (назва бульбы фры ў Бельгіі).
Бельгійцы сцвярджаюць, што сусветна вядомы гарнір, які сталі называць «французскай бульбай» з падачы брытанскіх салдат, якія пакаштавалі яго ў Бельгіі падчас Першай сусветнай вайны, упершыню падалі да стала менавіта ў Фландрыі — нідэрландскамоўным рэгіёне на поўначы каралеўства. Адбылося гэта яшчэ ў XVI стагоддзі.
-
Прэм'ерка Літвы: Мы не пойдзем на змякчэнне санкцый супраць Беларусі, нават калі на нас будуць ціснуць
-
Марк Рутэ абвясціў пра запуск спецыяльнай праграмы НАТА для абароны ўсходняга флангу альянсу
-
У Грузіі затрымалі грузавік з украінскім гексагенам. Ён нібыта быў прызначаны для аперацыі «Павуцінне-2»
Фіналістак конкурсу «Міс Беларусь — 2025» вывелі на сцэну ў касцюмах з цытатамі Лукашэнкі19
Каментары