Грамадства

Прадстаўнік МНС пра пажар у Будславе: Гэта была бітва за касцёл. Мае калегі зрабілі ўсё магчымае і трохі больш

Афіцыйны прадстаўнік Міністэрства па надзвычайных сітуацыях Віталь Навіцкі таксама ў сваім фэйсбуку падзяліўся пра пажар у будслаўскім касцёле.

Фота Надзеі Бужан

Ён адзначыў, што збольшага ўсе прызналі, што «будынак мы выратавалі».

«Зразумела, наперадзе доўгі і няпросты рамонт, звязаны з працай на вышыні, безумоўна яшчэ трэба высветліць прычыны (па каментарах мясцовых жыхароў і развіцці пажару атрымліваецца, што гарэць магло пачаць яшчэ ноччу), але мае калегі зрабілі ўсё магчымае і трохі больш.

Вельмі спрошчана прынята лічыць, што пры такіх пажарах ёсць дзве тактыкі. Першая — лі і не шкадуй. Можна і пенай, можна і верталётамі, усё залежыць ад тэхнічных магчымасцяў. Але ўжо першыя работнікі МНС, якія прыбылі на месца (праз чатыры хвіліны пасля паведамлення) зразумелі: тут ёсць за што пазмагацца і вырашылі дзейнічаць інакш.

Адразу ж былі прыцягнутыя дадатковыя людзі і тэхніка. Акрамя ратавальнікаў з суседніх раёнаў, выехалі хлопцы з Мінскага гарадскога ўпраўлення МНС. На выезд пад'ёмнай тэхнікі са сталіцы пайшло пару хвілін і вопыт хлопцаў таксама спатрэбіўся ў Будславе.

А далей была «кропкавая» падача вады. Паблізу алтара, паблізу аргана, які нельга было вынесці, але трэба было выратаваць, у скрытыя паражніны канструкцый даху.

Вядома, карцінка атрымалася не такая яркая: 12 лафетных ствалоў выглядалі б куды больш эпічна, і справіліся б хутчэй, але і абваленым дахам дакладна не абышлося па наступствах, не кажучы ўжо пра ваду, якая яшчэ больш бы змыла/размыла/знішчыла следам за агнём.

Пасля лакалізацыі (гэта калі полымя не распаўсюджваецца, не наносіць дадатковы ўрон) агонь знік і дыму стала значна менш, некаторыя СМІ нават паспяшаліся напісаць, што пажар ліквідаваны, але ў рэальнасці хлопцы працягвалі абследаванне ўсіх ніш і ўсіх элементаў даху.

У 15:21 бітва за касцёл была скончаная, а цяпер пачынаецца карпатлівая праца па яго аднаўленні».

«Аднаўляць будзем усёй Беларуссю». Рэпартаж з Будслава, дзе ратавалі ад пажару каталіцкую святыню

Як пералічыць грошы на аднаўленне касцёла ў Будславе праз АРІП

«Бог прамаўляе з намі праз свае знакі»: арцыбіскуп Тадэвуш Кандрусевіч эмацыйна выказаўся пра пажар у Будславе

Каментары

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць