«Праз 10 хвілін пасля пачатку прыйшлі сілавікі». Што адбылося на спектаклі з удзелам Зарэцкай
Сябра асноўнага складу Каардынацыйнай рады Аксана Зарэцкая была затрыманая ўчора разам з іншымі гледачамі пастаноўкі «Белы трус, Чырвоны трус». Уначы іх выпусцілі. Расказваем, што вядома.
«Белы трус, Чырвоны трус» — гэта п'еса, разлічаная на аднаго акцёра. Яе напісаў іранскі драматург Насім Салейманпур, які адмовіўся пайсці ў войска. За гэта яму забаранілі выязджаць за межы краіны. У 2010-м ён напісаў п'есу і такім чынам стаў грамадзянінам сусвету: яго твор пераклалі больш, чым на 25 моваў і паставілі ў 49 краінах свету.
Беларусь мусіла стаць 50-й. За ажыццяўленне ўзялася незалежная кампанія HomoCosmos.
Згодна з ідэяй драматурга, новы выканаўца не мае ніякага ўяўлення, што яму ці ёй трэба граць. Тэкст п'есы ў закрытым канверце чакае героя на сцэне.
У Беларусі спектакль планавалі паказваць з трыма рознымі выканаўцамі: Аксанай Зарэцкай, Дзянісам Дудзінскім і Аляксандрам Ждановічам.
Прэм'еру прызначылі на люты 2021-га, але потым увесь час пераносілі — на сакавік, красавік, май. У адным выпадку адмаўляла пляцоўка, у другім спектаклю анулявалі гастрольнае пасведчанне па «эпідэміялагічных прычынах»…
У выніку, як стала вядома «Нашай Ніве», быў зроблены відэазапіс гэтага спектакля з удзелам Аксаны Зарэцкай. Учора яна пайшла паглядзець на ўласную ігру з экрана. Гэта быў яе дэбют як актрысы.
Як расказаў «НН» адзін з гледачоў,
яны збіраліся адпачыць, прыйшлі з шампанскім. Але праз 10 хвілін пасля пачатку прыйшлі сілавікі і затрымалі 10 гледачоў.
Якую структуру яны прадстаўлялі (КДБ, ГУБАЗіК або нейкую іншую), не патлумачылі.
«Паводзілі сябе карэктна. Тварам у падлогу не клалі. Ды і нязручна паненак на шпільках тварам у падолгу».
Усіх затрыманых адвезлі ў Цэнтральнае РУУС і з'ехалі. Там усё ішло вельмі павольна. Да ночы адпусцілі чатырох людзей, у якіх ёсць непаўналетнія дзеці. Астатніх затрымалі да суда. Забралі абсталяванне і тэлефоны.
Як кажа знаёмы Зарэцкай, у пратаколе сцвярджаецца, што яна — трэнер па этыкеце — лаялася, білася, ірвала на міліцыянце вопратку і ўпіралася нагамі. Па яго словах, такое абвінавачванне выставілі і астатнім затрыманым.
Цяпер чытаюць
У дажджавіках і па калена ў гразі. Чыноўнікаў у дождж пагналі на суботнік, сам Лукашэнка не пайшоў34
У дажджавіках і па калена ў гразі. Чыноўнікаў у дождж пагналі на суботнік, сам Лукашэнка не пайшоў
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары