Судзяць мінчанку, якая папрасіла з'ехаць з арэнднай кватэры пракурорку Касьянчык
У судзе Заводскага раёна Мінска пачаўся суд над Вольгай Сінялёвай, якая здавала кватэру маладой пракурорцы Аліне Касьянчык.
Касьянчык адзначылася ў гучных палітычных працэсах — напрыклад, яна прадстаўляла абвінавачванне на справе журналістак «Белсата» Андрэевай і Чульцовай, якіх адправілі на 2 гады ў калонію.
Вольга Сінялёва папрасіла пракурорку з’ехаць з кватэры — тая з’ехала. Але Сінялёву за гэта цяпер судзяць.
Гаспадыню кватэры вінавацяць па артыкуле 190 КК за «Парушэнне раўнапраўя грамадзян». Ёй пагражае пакаранне ад штрафу да калоніі на 2 гады.
Раней Tut.by пісаў, што канфлікту паміж гаспадыняй і наймальніцай не было. Касьянчык было прапанавана з'ехаць, яна пагадзілася. І калі знайшла новае жыллё, дамову скасавалі па згодзе бакоў.
Генпракуратура, у сваю чаргу, адзначала, што наймальніца жылля своечасова выконвала ўсе абавязацельствы па дамове, а арэндадаўца «паддалася інфармацыйнаму ўздзеянню тэлеграм-каналаў і іншых інтэрнэт-рэсурсаў» — і запатрабавала вызваліць здымнае жыллё.
18 чэрвеня справу пачала разглядаць суддзя Анжэла Касцюкевіч.
Сінялёва замужам, мае дваіх непаўнагадовых дзяцей. На гэты момант у дэкрэце, да таго працавала праграмістам.
Прыйшла на працэс і пацярпелая пракурорка Касьянчык. Цікава, што прыйшла яна разам з іншай маладой пракуроркай Валерыяй Таратынка, якая таксама вядомая па палітычных працэсах.
На пачатку пасяджэння дзяржабвінаваўца Кунцэвіч папрасіла суддзю закрыць працэс — «каб забяспечыць бяспеку пацярпелай і не агалошваць дэталі яе прыватнага жыцця».
Адвакат Мачалаў выказаўся катэгарычна супраць гэтага хадайніцтва. Ён падкрэсліў — у матэрыялах справы «роўна нуль прыватных звестак Аліны Касьянчык», няма не тое што адрасу — нават нумара яе тэлефона.
Абвінавачаная падтрымала пазіцыю адваката, пацярпелая пракурорка — пазіцыю сваёй калегі-абвінаваўцы.
У выніку суддзя Анжэла Касцюкевіч абвясціла працэс закрытым. Грамадзян і прэсу пусцяць толькі на агалошванне прысуду.
Але пазней стала вядома, што суд увогуле не адбыўся. Суддзя абвесціла, што адвакат Мачалаў быў пазбаўлены ліцэнзіі яшчэ 31 мая. У выніку пасяджэнне пачнецца зноў, але толькі 25 чэрвеня.
Адваката Андрэя Мачалава пазбавілі ліцэнзіі — пра гэта ён даведаўся на судзе
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары