Адну з кампаній холдынгу Dana Holdings хочуць рэарганізаваць у дзве новыя фірмы. Кампанія знаходзіцца пад санкцыямі
Кампанію «Эмірэйтс Блю Скай» з холдынг Dana Holdings спрабуюць рэарганізаваць і вывесці дзве новыя фірмы. З яе вылучаюць ТАА «Гранд Атрыум» і ТАА «Сіці В'ю». Зараз «Эмірэйтс Блю Скай» займаецца датэрміновым выкупам раней выпушчаных аблігацый. Холдынг Dana Holdings падкантрольны братам Карычам. Раней Небойша Карыч трапіў пад еўрапейскія і амерыканскія санкцыі, піша Zerkalo.io.
Рэарганізацыю «Эмірэйтс Блю Скай» маюць намер завяршыць да 1 сакавіка гэтага года. Прычым гэта ўжо перанесены раней дэдлайн. Пра прычыны такога рашэння не паведамляецца.
Якія кампаніі сям'і Карыча трапілі пад санкцыі
Холдынг Dana Holdings, адным з акцыянераў якога З'яўляецца Небойша Карыч, трапіў раней пад еўрапейскія і амерыканскія санкцыі. У спіс ЗША таксама ўключаны «дочкі» Dana Holdings — «Дана Астра» (будаўніцтва комплексу «Мінск-Мір»), «Эмірэйтс Скай Блю» «Дубай Вотер Фронт».
Раней «Эмірэйтс Скай Блю» і «Дубай Вотер Фронт» аб'яўлялі аб завяршэнні дзейнасці па будаўніцтву ў Беларусі, а таксама па прыцягненню інвестыцый. Гэта адбылося неўзабаве пасля ўвядзення санкцый ЕЗ.
У «Эмірэйтс Скай Блю» раней была іншая назва
У 2020 годзе кампанія «Зомекс Інвестмент» перайменавалі ў «Эмірэйтс Скай Блю». Апошняя ў снежні 2020 года абвясціла, што завяршае сваю дзейнасць у Беларусі па будаўніцтве і прыцягненні інвестыцый.
«Эмірэйтс Блю Скай» сярод іншага займалася забудовай квартала «Маяк Менска».
Пра датэрміновае пагашэнне абавязацельстваў па аблігацыях
Цяпер «Эмірэйтс Скай Блю» датэрмінова гасіць абавязацельствы па раней выданых каштоўных паперах залогам нерухомасці.
Гэта кватэры, гандлёвыя памяшканні, аздараўленчы цэнтр, кафэ-бар, фізкультурна-аздараўляльныя комплексы. Па адным з выпускаў аблігацый рынкавы кошт такіх аб'ектаў перавышала 27 мільёнаў даляраў.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў31
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары