Святлана Ціханоўская ў ААН заклікала прызнаць Беларусь краінай пад часовай ваеннай акупацыяй
Сёння ў Радзе па правах чалавека ААН прэзентавалі даклад па сітуацыі ў Беларусі, у якім сабраныя доказы злачынстваў рэжыму супраць чалавечнасці. У сувязі з гэтым у Жэневу прыехала Святлана Ціханоўская, якая правяла некалькі важных сустрэч і зрабіла важную заяву.
Святлана Ціханоўская і паслы краін Еўрасаюза.
Святлана Ціханоўская сустрэлася з 27 пасламі краін Еўрасаюза ў Жэневе, якія прадстаўляюць свае краіны ў ААН. Таксама яна размаўляла з прадстаўнікамі краін — членаў Рады па правах чалавека ААН: пасламі ЗША, Вялікабрытаніі, Гамбіі, Коста-Рыкі, Мексікі і іншых краін.
Ціханоўская заклікала паслоў пры ААН:
- прызнаць Беларусь краінай, якая дэ-факта часова акупаваная Расіяй;
- прыцягнуць Лукашэнку да трыбунала ў сувязі з падзеямі ва Украіне;
- неадкладна адрэагаваць на катаванні ў турмах Беларусі і ўмовы ўтрымання палітвязняў;
- падтрымаць працу міжнароднай платформы па зборы доказаў злачынстваў рэжыму IAPB і падтрымаць беларускіх праваабаронцаў.
Усе дэлегацыі, з якімі Ціханоўская сустрэлася ў Швейцарыі, запэўнілі, што:
- адрозніваюць Беларусь і рэжым Лукашэнкі;
- зробяць усё магчымае для падтрымкі грамадзянскай супольнасці, антываеннага руху, незалежных медыя ў Беларусі;
- будуць змагацца супраць дыскрымінацыі ў дачыненні да беларусаў — у тым ліку тых, хто вымушана выехаў са сваёй краіны і Украіны.
Цяпер чытаюць
Пракурор просіць для экс-памочніка Лукашэнкі Ігара Брыло 12 гадоў зняволення4
Каментары