Śviatłana Cichanoŭskaja ŭ AAN zaklikała pryznać Biełaruś krainaj pad časovaj vajennaj akupacyjaj
Siońnia ŭ Radzie pa pravach čałavieka AAN prezientavali dakład pa situacyi ŭ Biełarusi, u jakim sabranyja dokazy złačynstvaŭ režymu suprać čałaviečnaści. U suviazi z hetym u Ženievu pryjechała Śviatłana Cichanoŭskaja, jakaja praviała niekalki važnych sustreč i zrabiła važnuju zajavu.
Śviatłana Cichanoŭskaja i pasły krain Jeŭrasajuza.
Śviatłana Cichanoŭskaja sustrełasia z 27 pasłami krain Jeŭrasajuza ŭ Ženievie, jakija pradstaŭlajuć svaje krainy ŭ AAN. Taksama jana razmaŭlała z pradstaŭnikami krain — členaŭ Rady pa pravach čałavieka AAN: pasłami ZŠA, Vialikabrytanii, Hambii, Kosta-Ryki, Mieksiki i inšych krain.
Cichanoŭskaja zaklikała pasłoŭ pry AAN:
- pryznać Biełaruś krainaj, jakaja de-fakta časova akupavanaja Rasijaj;
- pryciahnuć Łukašenku da trybunała ŭ suviazi z padziejami va Ukrainie;
- nieadkładna adreahavać na katavańni ŭ turmach Biełarusi i ŭmovy ŭtrymańnia palitviaźniaŭ;
- padtrymać pracu mižnarodnaj płatformy pa zbory dokazaŭ złačynstvaŭ režymu IAPB i padtrymać biełaruskich pravaabaroncaŭ.
Usie delehacyi, ź jakimi Cichanoŭskaja sustrełasia ŭ Šviejcaryi, zapeŭnili, što:
- adroźnivajuć Biełaruś i režym Łukašenki;
- zrobiać usio mahčymaje dla padtrymki hramadzianskaj supolnaści, antyvajennaha ruchu, niezaležnych miedyja ŭ Biełarusi;
- buduć zmahacca suprać dyskryminacyi ŭ dačynieńni da biełarusaŭ — u tym liku tych, chto vymušana vyjechaŭ sa svajoj krainy i Ukrainy.
Kamientary