«Дзецям няма куды вярнуцца. Яны пра гэта яшчэ не ведаюць». Украінскі спявак напісаў кранальны пост пра знішчаны ў вайне дом, які быў для яго ўсім
Валерый Харчышын — лідар украінскага рок-гурта «Друга Ріка». Пра спалены дом ён напісаў у Фэйсбуку.
«Гэты дом пад Гастомелем — частка майго жыцця. У ім выраслі і жылі трое маіх сыноў. Я будаваў яго за ўсе грошы, што я зарабляў.
Я змагаўся за яго, калі ў мяне адбіралі зямлю, калі паролі будаўнікі-ашуканцы — перабудоўваў амаль усё. Нядаўна я пабудаваў побач домік для бацькоў, якія выказалі жаданне пераехаць. Падчас зацяжнога кавіднага крызісу. На апошнія грошы.
Бацькі не пераехалі. Не паспелі.
Для маіх дзяцей гэты будынак — іх дом. Іх Украіна.
Учора ён цалкам згарэў. Оркі патрапілі ў яго. У маіх дзяцей зараз няма «іх Украіны».
Ім няма куды вярнуцца. Яны пра гэта яшчэ не ведаюць. Як і не ведае мой старэйшы сын, які цяпер на поўначы абараняе свой дом…
Там заставаліся дзве коткі, якіх я яшчэ некалькі дзён таму карміў.
Я не ўпэўнены, што яны жывыя.
Чэрці ў лапцях знішчаюць нашы дамы, нашу маёмасць, але яны не знішчаць нас. Не знішчаць нашу волю, нашы веды, нашы ўменні.
Я пабудую сотні такіх дамоў. Мы ўсё адбудуем. Кожны дом. Пасадзім тысячы дрэў. Але спачатку мы знішчым кожнага орка, які ступіў на нашу зямлю».
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім17
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3636
Каментары