Прэзідэнты Беларусі і Расіі за 2009 год ужо сустракаліся чатыры разы ў фармаце «адзін на адзін».
На наступным тыдні плануецца сустрэча прэзідэнта Беларусі Аляксандра Лукашэнкі з прэзідэнтам Расіі Дзмітрыем Мядзведзевым.
Пра гэта беларускі лідэр паведаміў, адказваючы на пытанні журналістаў падчас наведвання Талачынскага раёна.
«Мы ўжо даўно дамовіліся з Дзмітрыем Анатольевічам — і калі мы ў Кыргызстане на Ісык‑Кулі — што нам у найбліжэйшы час трэба абазначыць парадак дня, у які павінны быць уключаныя складаныя пытанні, — сказаў Лукашэнка. — Зараз, прэзідэнт Расіі, як вядома, знаходзіцца ў Сочы, і ён запрасіў мяне сустрэцца», перадае БЕЛТА.
За 2009 год Лукашэнка і Мядзведзеў сустракаліся чатыры разы ў фармаце «адзін на адзін»:
3 лютага ў рамках паседжання Вышэйшага Дзяржсавета Саюзнай дзяржавы ў Маскве, 19 сакавіка — у Завідаве (Цвярская вобласць), 21 сакавіка — у Краснай Паляне пад Сочы і 10 красавіка — у падмаскоўных Горках, дадае БелаПАН.
Цяпер чытаюць
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі29
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя2020
Каментары