Prezidenty Biełarusi i Rasii za 2009 hod užo sustrakalisia čatyry razy ŭ farmacie «adzin na adzin».
Na nastupnym tydni płanujecca sustreča prezidenta Biełarusi Alaksandra Łukašenki z prezidentam Rasii Dźmitryjem Miadźviedzievym.
Pra heta biełaruski lider paviedamiŭ, adkazvajučy na pytańni žurnalistaŭ padčas naviedvańnia Tałačynskaha rajona.
«My ŭžo daŭno damovilisia ź Dźmitryjem Anatoljevičam — i kali my ŭ Kyrhyzstanie na Isyk‑Kuli — što nam u najbližejšy čas treba abaznačyć paradak dnia, u jaki pavinny być uklučanyja składanyja pytańni, — skazaŭ Łukašenka. — Zaraz, prezident Rasii, jak viadoma, znachodzicca ŭ Sočy, i jon zaprasiŭ mianie sustrecca», pieradaje BIEŁTA.
Za 2009 hod Łukašenka i Miadźviedzieŭ sustrakalisia čatyry razy ŭ farmacie «adzin na adzin»:
3 lutaha ŭ ramkach pasiedžańnia Vyšejšaha Dziaržsavieta Sajuznaj dziaržavy ŭ Maskvie, 19 sakavika — u Zavidavie (Ćviarskaja vobłaść), 21 sakavika — u Krasnaj Palanie pad Sočy i 10 krasavika — u padmaskoŭnych Horkach, dadaje BiełaPAN.
Ciapier čytajuć
Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija19
Kamientary