Санаторый «Беларусь» у горадзе Друскенікі, якім кіруе Беларусь, звальняе шостую частку працаўнікоў. Аб планаваным звальненні 51 супрацоўніка санаторый паведаміў Службе занятасці.
Па дадзеных Фонду сацыяльнага страхавання, у гэты час на прадпрыемстве працуе 298 чалавек. Прадстаўніца Службы занятасці Мілда Янкаўскайтэ паведаміла BNS аб тым, што звальненне ўзгодненае з прафзвязам працаўнікоў санаторыя.
«Папярэджанне атрымаў 51 працаўнік. Іх апавясцілі аб скасаванні працоўнай дамовы з ініцыятывы працадаўцы без віны работніка», — распавяла BNS Янкаўскайтэ.
Яна адзначыла, што большасць працаўнікоў, што будуць звольненыя, працуюць у школе, у лекарскіх і фінансавых падраздзяленнях. Сярод тых, што атрымалі папярэджанне, больш за ўсё прыбіральшчыц, санітарак, настаўнікаў, выхавальнікаў, кінэзітэрапеўтаў.
У снежні 2020 года, праз уведзеныя Еўразвязам санкцыі ў дачыненні да Беларусі, банк Swedbank замарозіў рахункі санаторыя, яны былі разблакаваныя ў ліпені мінулага года.
Цяпер чытаюць
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка8
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары