Жонка палітзняволенага нашаніўца Андрэя Скурко Паўліна надрукавала ў фэйсбуку новыя дзіцячыя вершы мужа, напісаныя за кратамі. «Кожны ратуецца як можа. Андрэй піша цыкл пра машынкі, а мы яго вучым. Мо і яшчэ хто захоча вывучыць», — піша яна. І гэта сапраўды варта таго.
Вось што, хлопчыкі-дзяўчынкі:
пагуляем у машынкі!
Адчыняйце гаражы —
хто што мае — пакажы!
Гоначная машына
Ад канапы да балкона —
гэта траса для разгону.
Па кватэры безупынку
мчыць чырвоная машынка.
Дзе мы толькі ні бывалі:
і пад шафу заляталі,
і пад ногі дзядзю Косцю,
што прыйшоў аднойчы ў госці,
і за ванну, і ў каструлю,
і ў тапак да дзядулі…
Як пагоніць мама ў спальню —
там і скончым наша раллі.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары