Кіраўніцу Еўракамісіі пачаставалі кавунамі і дынямі з вызваленых херсонскіх сёлаў
Кіраўніца Еўракамісіі Урсула фон дэр Ляен сёння зноў прыехала ў Кіеў, ужо трэці раз ад пачатку вайны. І гэтым разам украінцы мелі чым яе пачаставаць, прадэманстраваўшы, што еўрапейская падтрымка не ідзе на глум.
Урсуле фон дэр Ляен уручылі парэзаныя кавалкі кавуна і дыні, прыклаўшы да іх гэты тэкст:
«Дзякуючы мужнасці нашых воінаў і старанна спланаваным контрнаступальным дзеянням Узброеных Сіл Украіны нядаўна былі вызвалены пяць населеных пунктаў — Высакаполле, Новавазнясенскае, Белагорка, Міралюбаўка і Сухі Ставок.
Херсонская вобласць з'яўляецца адным з лідараў па вырошчванні кавуноў і іншых бахчавых культур. Херсонскія кавуны вядомыя сваёй якасцю далёка за межамі вобласці — яны адметны для рэгіёна прадукт харчавання.
Сёння мы хочам пачаставаць вас кавунамі і дынямі, вырашчанымі ў нядаўна дэакупаваных вёсках».
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17
Каментары
у другой палове лета купляла кукурузу, якую варыць 3-5 хвілін... завалена было ёй усё. па выглядзе яна такая ж, як та леташняя херсонская, але на цэнніку пазначана было - краіна паходжання Беларусь