Паведамляецца, што сур'ёзнае здарэнне адбылося на перапынку ў прыватнай школе «Смарт Скул». Адзін з хлопцаў стрэліў у аднакласніцу з пнеўматычнага пісталета. Прычым страляў у твар. Па папярэдняй інфармацыі, у дзяўчынкі пашкоджанае вока.
Прыватная школа «Смарт скул» знаходзіцца ў Мінску на вуліцы Арлоўскай, 80. Гэта тэрыторыя парка Dreamland. Зусім блізка — Палац Незалежнасці і будынак Вярхоўнага суда. «Невялікія класы, кваліфікаваныя педагогі, шырокі спектр дадатковых паслуг. Аўдыторыі, абсталяваныя сучасным абсталяваннем, чакаюць вашых дзяцей», — гаворыцца ў рэкламе школы ў сацыяльных сетках.
Дырэктарка «Смарт скул», аднак, датычнасць сваёй установы да гэтага інцыдэнту адмаўляе.
«Тое, што пішуць, не мае ніякага дачынення да нашай школы. Гэта не нашы вучні, яны атрымліваюць дадатковую адукацыю ў дзіцячым цэнтры на тэрыторыі парка «Дрымлэнд», дзе акрамя нашай школы знаходзіцца некалькі ўстаноў. Дзеці выйшлі дадому, і на прыпынку нешта здарылася», — распавяла парталу Tochka.by кіраўніца школы Наталля Базанава сваю версію таго, што здарылася.
Па словах дырэктаркі, дзіця знаходзіцца ў бальніцы, зрок не пацярпеў.
Праўда, адначасова з гэтым пашыраецца інфармацыя, што нібыта кіраўніцтва «Смарт скул» імкнулася схаваць гэтую інфармацыю, выкарыстоўваючы розныя метады.
У Міністэрстве адукацыі адмовіліся каментаваць сітуацыю, «пакуль будуць весціся следчыя дзеянні». У МУС і ў мінскім ГУУС інфармацыю па гэтым інцыдэнце паабяцалі ўдакладніць.
-
«Зачыні вокны і ўключы газ». Дзецям Гомельскай вобласці прыходзяць небяспечныя паведамленні ад імя вядомага блогера
-
Хто каго прапускаў? Канфлікт кіроўцаў на Прытыцкага прывёў да бойкі — і да крымінальнай справы
-
У Гомелі хлопец расказаў, што спатыкнуўся і ўпаў на свой акурак. А пасля на ім загарэлася адзенне
Каментары