Прэмію Анемпадыстава прысудзілі Анатолю Лазару за вокладку кнігі «НЕрасстраляныя»
Сёлетнім лаўрэатам прэміі стаў Анатоль Лазар, вядомы пад творчым псеўданімам Wiecier Mechaniczny. Кніга, да якой ён стварыў вокладку, прысвечаная беларускім літаратарам, забітым у 1937 годзе.
«НЕрасстраляныя» — гэта велічэзны і вельмі значны праект, што да беларускай гісторыі і культуры, — напісала на сваёй старонцы ў фэйсбуку старшыня Беларускага ПЭНа Тацяна Нядбай. — Гэты том мае быць у бібліятэцы сучаснага культурнага беларуса. А дзякуючы вокладцы, яго прыемна браць у рукі і паважна трымаць на палічцы. Талент дызайнера ў тым, каб візуалізаваць годнасць, трагічнасць і шляхетнасць зместу. Гэта зроблена далікатна і філігранна праз моцную графічную абстракцыю, колер, шрыфт, кампазіцыю. Дасканалы праект у адпаведнай вокладцы».
Таксама Анатоль Лазар стаў пераможцам «Выбар Белсату» за вокладку да кнігі Івана Мележа «Людзі на балоце».
Прэмія за найлепшую кніжную вокладку заснаваная ў 2019 годзе ў памяць пра мастака, дызайнера і паэта Міхала Анемпадыстава. Узнагарода прысуджаецца беларускаму аўтару або камандзе аўтараў вокладкі. Журы ацэньвае дызайн, паліграфічнае выкананне і адпаведнасьць афармлення зместу кнігі.
Ініцыятыва адзначаць найлепшую вокладку да беларускай кнігі належыць Беларускаму ПЭНу сумесна з Беларускім саюзам дызайнераў і Лятучым унівэрсітэтам, а таксама Белсат TV, Фундацыі Open Culture і H&L Group.
Цяпер чытаюць
Лукашэнка патлумачыў, чаму яго не відаць па серадах і суботах18
Лукашэнка патлумачыў, чаму яго не відаць па серадах і суботах
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары