Медыкі і навукоўцы б'юць трывогу: грыбкі пагражаюць чалавецтву. Вось у чым іх небяспека
Сусветная арганізацыя аховы здароўя (СААЗ) склала спіс грыбкоў, якія могуць быць небяспечнымі для здароўя чалавека. Гэтыя грыбы (у тым ліку дрожджы і цвілі) сустракаюцца ў вялікай колькасці ў прыродзе, піша WSJ.
Колькасць грыбковых інфекцый расце, яны становяцца ўсё больш устойлівымі да лячэння. Грыбковыя інфекцыі штогод забіваюць па найменшых падліках 1,6 мільёна чалавек.
У СААЗ заявілі, што дакладны ўплыў грыбковых інфекцый невядомы з-за недахопу даных. Арганізацыя заклікала краіны ўзмацніць назіранне і пашырыць лабараторны патэнцыял для скрынінгу грыбковых захворванняў.
У здаровых людзей імавернасць заразіцца сур'ёзнай грыбковай інфекцыяй зараз невялікая. Але чакаецца, што колькасць такіх інфекцый у свеце будзе расці.
Колькасць людзей з аслабленым імунітэтам і хранічнымі захворваннямі расце. А менавіта такія людзі з аслабленым імунітэтам падвяргаюцца найбольшай рызыцы цяжкіх грыбковых захворванняў.
Многія грыбковыя патагены становяцца больш устойлівымі да цяперашніх метадаў лячэння. Грыбы адаптуюцца і становяцца больш небяспечнымі.
Вось асноўныя грыбкі, ад якіх ідзе найбольшая небяспека.
- Aspergillus fumigatus, іх большасць людзей удыхае кожны дзень. Цвіль, якая сустракаецца ў вялікай колькасці ў прыродзе. Можа выклікаць захворванне лёгкіх, але можа таксама каланізаваць іншыя часткі цела, у тым ліку мозг.
- Candida albicans выклікае малочніцу поласці рота і вагінальныя дражджавыя інфекцыі, а таксама можа паражаць кроў, сэрца і іншыя ўнутраныя органы.
- Candida auris. Узровень смяротнасці ад яго можа дасягаць 60%.
- Cryptococcus neoformans з'яўляецца асноўнай прычынай захворвання пацыентаў з ВІЧ/СНІДам і забівае мінімум 180 000 чалавек штогод. Можа выклікаць смяротныя інфекцыі мозга.
Існуюць чатыры класы супрацьгрыбковых прэпаратаў для лячэння інвазійных грыбковых захворванняў, але большасць прэпаратаў таксічныя нават у нізкіх дозах. Прынцыпова новыя прэпараты не распрацоўваліся дзесяцігоддзямі. Грыбковыя інфекцыі атрымліваюць менш за 1,5% ад усіх сродкаў на даследаванні інфекцыйных захворванняў, паведамляе СААЗ.
-
Расійская агентура выкарыстала нейрасетку Claude для крадзяжу і для ўплыву на выбары
-
Навукоўцы знайшлі шэсць загадкавых структур глыбока ў нетрах Зямлі
-
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ7
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары
мажліва так і ёсць. вірусы ўвогуле самая першая форма жыцця на планеце. грыбы таксама старыя
акром жартаў...
эпідэміі (пандэміі) ідуць поруч з найбуйнейшымі войнамі і рэвалюцыямі